O‘zbekiston prezidenti Qirg‘izistondagi TDT sammitida ishtirok etishi kutilmoqda

Bishkek 6 noyabr kuni boshlanadigan Turkiy davlatlar tashkilotining (TDT) XI sammitida ishtirok etadigan davlat rahbarlarini kutib olishga hozirlik ko‘rmoqda.

24.kg ma’lumotlariga ko‘ra, Turkiya prezidenti Rajab Toyyib Erdo‘g‘an 4 noyabr kuni davlat tashrifi bilan Qirg‘iziston poytaxtiga boradi.

Vengriya bosh vaziri Viktor Orban 5 noyabrga o‘tar kechasi, kunduzi esa Ozarboyjon, O‘zbekiston va Turkmaniston rahbarlari tashrif buyurishi kutilmoqda. Qozog‘iston prezidenti Qosim-Jo‘mart To‘qayev 6 noyabr kuni ertalab hamkasblari bilan uchrashadi.

Bishkekda bo‘lib o‘tadigan TDT sammitining asosiy mavzusi «Turk dunyosini mustahkamlash: iqtisodiy integratsiya, barqaror rivojlanish, raqamli kelajak va barcha uchun xavfsizlik» bo‘ladi.