Ukrainada rossiyalik yana bir general halok böldi

Halok bölgan askarlarning qarindoşlari general ölimi töğrisidagi post ostida tinimsiz izoh qoldirib, uni jinoyatlarda va öz yaqinlari ölimida ayblaşgan.

«Mening ölimga olib keladigan kasallik taşxisi qöyilgan öğlimni... bola harbiy-şifokor ekspertizasi uçun hujjat topşirganidan xabar topgan hamono şturmga yuborişgan. Hayvondek yertölada uşlab turişgan, telefonini olib qöyişgan, hojatga ham avtomat bilan qöriqlab olib borişgan», — deyiladi izohlardan birida.

«Donbass-serdse Rossii!» posti ostida salbiy izohlar köpayib ketgaç, sahifa admini postni öçirib yuborib, qaytadan qöyişgan, ammo holat takrorlangan, şundan keyin post yana öçirilib, uçinçi bor joylaştirilgan, ammo izoh qoldiriş yopiq holatda.

«Mojyem ob’yasnit» naşri izoh yoziş yopib qöyilişidan oldingi oxirgi yozgan ayol bilan gaplaşgan. 

Mariyaning turmuş örtoği Ivan 2022 yil kuzida safarbar qilingan. Harbiy mutaxassisligi böyiça u aloqaçi bölgan. Sentyabrdayoq uni Klimenkoning brigadasiga biriktirişgan.

«Uni darhol, heç qanday tayyorgarliksiz göşt şturmga yuborişgan, – deydi Mariya. – 25 kişilik guruhdan heç kim qaytmagan, barçasini bedarak yöqolgan deb yozişgan. U omon qolgan, ammo kontuziyaga uçragan va mustaqil qayta olmasdi. «Kulrang zona»da (front çiziği oraliğida heç kim nazorat qilmaydigan hudud) bir hafta qolgan, keyin boşqa qism harbiylari uni topib olişgan. Unga telefon berişgan – qönğiroq qilib, tirikligini aytgan...»

5-brigadaga qaytganidan keyin bir kun ötib Ivanni yangi şturmga yuborişadi. U bu safar ham qaytmaydi – va yana bedarak yöqolganlar röyxatiga kiritiladi. «Öşa hududdan evakuatsiya bölmaydi. Komandirlar ölganlar uçun guruhni xavf ostida qoldira olmasligini aytişadi. Ammo axir ötgan safar u tirik qolgandi!» – deya ğazablanadi Mariya. 

Unga eri brigadadagi qat’iy tartib haqida gapirib bergan: şturmlar çoğidagi katta yöqotişlar tufayli yaradorlar ham oldingi çiziqqa yuborilgan, bundan boş tortişga harakat qilganlar qamab qöyilgan va deyarli ovqat berilmagan, hojatxonaga ham avtomat bilan olib borilgan.

Rossiya rasmiylari Klimenko manziliga yöllangan ayblovlarga munosabat bildirmagan.

Safarbar qilingan nogiron va qiynab öldirilgan amerikalik

5-brigadadagi qiynoqlar haqidagi eng maşhur hikoya — okkupatsiya qilingan Makiyivkadan safarbar qilingan musiqa öqituvçisi Vladimir Frolovning tarixidir.

2014 yilda 19 yoşda bölgan Vladimir rossiyaparast ayirmaçilar va ukrain harbiylari örtasidagi töqnaşuv çoğida jarohat olgan. Bir öq uning qorniga, ikkinçi va uçinçisi son qismiga tekkan. Yakunda u uçinçi guruh nogironiga aylangan.

2022 yilda Vladimir musiqa öqituvçisi bölib işlardi, ammo uni frontga safarbar qilişadi, boş torsa, barmoqlarini kesib taşlaş bilan tahdid qilişadi. U jangda yaralanadi, ammo Severomorsk gospitalidagi oğir jarrohlik amaliyotidan keyin yana qöltiqoyoqda oldingi çiziqqa yuborişadi.

«Uni örada, keyin esa yertölada uşlab turişgan. U davolanişi lozimligidan xabar topişgaç, darhol şturmga taşlaşgan va keyin ölgudek kaltaklab, asta-sekin jon berişi uçun öşa yerda qoldirişgan… Özingnikilar begonadan yomonroq», — deya Frolovning qarindoşidan iqtibos keltiradi ASTRA. Uning sözlariga köra, qiynoq izlari tufayli uni yopiq tobutda kömişga töğri kelgan.

Klimenkoning qöli ostidagilar sodir etgan yana bir şov-şuvli iş — AQŞ fuqarosi, Donbassdagi uruşlarda ayirmaçilar tomonida jang qilgan Rassel Bentlining öldirilişidir. Uşbu amerikalik 2024 yil aprelida Donetsk atrofida yöqolib qolgan. Keyinroq ma’lum bölişiça, uni köçada Klimenko brigadasidan bölgan tört askar töxtatgan va söroq qiliş uçun olib ketgan.

Tergov versiyasiga köra, Bentli qiynoqlardan vafot etgan, keyin jinoyatni yaşiriş uçun, uning jasadini trotilli şaşka bilan portlatib, uzoqqa olib borib taşlaşgan.

Amerikalikning ölimi böyiça hali sud bölmagan, ammo uning rafiqasi turmuş örtoğining öldirilişida iştirok etgan tört harbiy ham Rossiya armiyasi bilan yangi şartnoma imzolab, frontga ketgani va jazodan qutulib qolganini aytgan.

Halok bölgan sakkizinçi general

Klimenko Rossiya 2022 yil fevralida Ukrainaga bostirib kirganidan buyon halok bölgan sakkizinçi rossiyalik general böldi.

Bosqinning ilk oylarida tört general ölim topgandi — Andrey Suxovetskiy, Vladimir Frolov, Kanamat Botaşev va Roman Kutuzov. Keyin ropp-rosa bir yil davomida Rossiyaning yuqori martabalari zobitlari ölimi böyiça tasdiqlangan xabarlar bölmaydi.

Rossiyalik generallar orasida yangi yöqotişlar 2023 yil iyunidan uçray boşlaydi — bu ukrainlarning qarşi hujumi boşlangan vaqtga töğri keladi.

Yoz oxiridan noyabrgaça yana ikki general — Rossiya 35-umumqöşin armiyasi ştabi boşliği, general-mayor Sergey Goryaçev hamda Janubiy harbiy okrug qömondoni örinbosari general-leytenant Oleg Tsokov.

2023 yil noyabrda 14-armiya korpusi qömondoni örinbosari general-mayor Vladimir Zavadskiy ham halok böladi.

Bundan taşqari, uruş boşlanganidan buyon Ukrainadagi manbalar yana yetti nafar rossiyalik generallar ölimi haqida xabar tarqatgan.

Ammo ulardan kamida uç nafari — Magomed Tuşayev, Vitaliy Gerasimov va Andrey Mordviçev — tirik ekani ma’lum bölgan. Uşbu uç general vaqti-vaqti bilan yangi videoyozuvlarda köriniş bergan va Ukraina hududidagi harbiy harakatlarda iştirokini davom ettirmoqda.

Ukraina naşrlarida ölgani aytilgan boşqa generallar dafn etilgani yoki ölimini tasdiqlovçi boşqa qöşimça dalillar paydo bölmagan.

Ammo sakkiz general ham oliy ofitserlik korpusi uçun jiddiy yöqotiş. Ekspertlar fikriça, generallar ölimi Rossiya armiyasi tuzilişining öziga xosliklari bilan boğliq bölişi mumkin. Masalan, bosqinning birinçi bosqiçida xavfsiz aloqa kanallari va moddiy-texnik ta’minotni yölga qöyiş bilan boğliq keng tarqalgan muammolar tufayli generallar vaziyatni kuzatiş va buyruqlar beriş, vaziyat özgarişiga tezkor reaksiya körsatiş uçun şaxsan front çiziği yaqiniga borişiga töğri kelardi. Bu esa halok böliş xavfini oşirardi.

Keyinroq esa generallar Ukrainaga ğarblik hamkorlar tomonidan yetkazib berilgan uzoq masofali artilleriya tizimlarining aniq zarbalari oqibatida ham halok böla boşlaydi.