Poytaxt FVB Uchtepa tumanida sodir bo‘lgan yong‘in to‘g‘risida ma’lumot berdi.
Toshkent shahar Favqulodda vaziyatlar boshqarmasi Uchtepa tumanida sodir bo‘lgan yong‘in to‘g‘risida ma’lumot berdi.
Qayd etilishicha, 9 dekabr kuni soat 20:03 da Uchtepa tumani, Foziltepa ko‘chasida joylashgan somsaxonada yong‘in sodir bo‘layotgani to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv texnikalari aytilgan manzilga soat 20:07 da yetib borib, yong‘in soat 20:20 da o‘chirilgan.
Yong‘in oqibatida halok bo‘lgan va jabrlanganlar yo‘q.
«Hozirda yong‘in sababi va keltirilgan moddiy zarar aniqlanmoqda», — deyiladi xabarda.
Avvalroq Toshkent shahar Mirzo Ulug‘bek tumanida joylashgan restoran dudbo‘ronida yong‘in chiqqani to‘g‘risida xabar berilgandi. Undan oldin Toshkentdagi ko‘p qavatli uyda yong‘in chiqishi oqibatida bir kishi halok bo‘lgandi.
