Rossiyada migrantlar uchun rus tili va tarix imtihonining yagona narxi belgilandi

Fuqarolik olish uchun migrantlar topshiradigan rus tili, shuningdek, Rossiya tarixi va qonunchilik asoslari bo‘yicha imtihonlar narxi 2950 rublni tashkil qiladi, bu Rossiya hukumati qaroridan kelib chiqadi, hujjat bosh vazir Mixail Mishustin tomonidan imzolangan.

Vaqtinchalik yashash uchun ruxsatnoma (RVP) yoki yashash uchun ruxsatnoma (VNJ) olish uchun imtihonning narxi 5900 rublni tashkil qiladi. Agar ish yoki patent olish uchun imtihon topshirilsa, u 3800 rublga teng bo‘ladi, deb yozdi RBK.

Ilgari bunday imtihonlar uchun yagona qat’iy narx yo‘q edi. Hujjat imtihon o‘tkazuvchi tashkilot bunday xizmat narxini hisoblab chiqadigan formulani o‘rnatgan oldingi qarorni bekor qiladi.

Rossiyada o‘zini qonuniylashtirish istagida bo‘lgan migrantlar uchun imtihonlar 2015 yildan beri o‘tkazilmoqda. U uchta moduldan iborat: rus tili, Rossiya tarixi va Rossiya qonunchiligi asoslari.

Imtihonda uchta daraja mavjud. Eng oddiysi patent olish uchun mo‘ljallangan, o‘rtacha darajasi vaqtinchalik yashash uchun ruxsatnoma (RVP) olish, eng murakkab imtihon - uchinchi daraja - yashash uchun ruxsatnoma (VNJ) olishni istaganlar tomonidan topshiriladi.

Fuqarolikka ariza berish uchun endi eng murakkab imtihon sertifikati qabul qilinadi.