Qurilish vazirligiga shaharsozlik normalariga zid hujjatlarni bekor qilish vakolati berildi
Vazirlik qoshida nizolarni sudga qadar hal etish komissiyasi tashkil etildi. U yuridik va jismoniy shaxslarning murojaatlari asosida shaharsozlikka oid qator hujjatlarni o‘rganadi. Shaharsozlik normalariga zid, noqonuniy hujjatlarni bekor qilish vakolatiga ega. Bu jarayon avval sud orqali amalga oshirilgan va u uzoq vaqt davom etgan. Bu tizim haqida Qurilish vazirligi mas’uli Azamat Xolmo‘minov Kun.uz'ga ma’lumot berdi.
Vazirlar Mahkamasi 2024 yil 12 avgustda “Shaharsozlik sohasidagi nizolarni sudga qadar ko‘rib chiqish tartibi to‘g‘risidagi nizomni tasdiqlash haqida”gi qarorni qabul qilgan. Unga asosan Qurilish va uy-joy kommunal xo‘jaligi vazirligi huzurida shaharsozlik sohasida nizolarni sudga qadar ko‘rib chiqish va hal etish bo‘yicha idoralararo komissiya faoliyat boshladi.
Mazkur komissiyaga shaharsozlikka oid hujjatlarni bevosita o‘rganish va qaror qabul qilish vakolatlari berildi. Bunda komissiya arxitektura-rejalashtirish topshirig‘i, hududiy arxitektura-shaharsozlik kengashi qarori, hududiy boshqarmalar huzuridagi arxitektura-shaharsozlik kengashi ishchi organi xulosasi, qurilish-montaj ishlarini boshlash uchun obektni ro‘yxatdan o‘tkazish bo‘yicha hududiy inspeksiya ruxsatnomasi kabi qator hujjatlarning qonuniyligini tekshiradi.
“Masalan, hududiy boshqarma yoki tuman qurilish bo‘limi ma’lum bir obektni qurish uchun ruxsatnoma bergan bo‘lishi mumkin. Lekin ushbu ruxsatnoma ma’lum bir sabablarga ko‘ra shaharsozlik to‘g‘risidagi qonunchiligimizga mos kelmaydi, xususan, hududdagi aholi roziligini olmagan holda berilgandir. Bunday hollarda, komissiya ruxsatnoma yoki xulosani bekor qiladi”, — deydi Qurilish vazirligi davlat arxitektura nazorati boshqarmasi boshlig‘i Azamat Xolmo‘minov.
Komissiya butun respublika bo‘ylab ishlaydi. Komissiya qarori bilan hujjat, agar qonunchilikka muvofiq bo‘lmasa, bekor qilinadi, agar to‘g‘ri bo‘lsa, ijroga qaytariladi.
Shaharsozlikka doir ruxsat berish bo‘yicha hujjatlar nizolari yuzasidan jismoniy va yuridik shaxslar vazirlikning rasmiy sayti orqali yoki yozma va og‘zaki shaklda murojaat qilishlari mumkin.
Tavsiya etamiz
Putin Rossiya Odessaga da’vo qilmasligi shartini aytgan – «Kommersant»
Jahon | 22:26 / 19.03.2025
Qozog‘istonda amaldorlar qamoqxonalarga ekskursiyaga olib borilmoqda
Jahon | 18:16 / 19.03.2025
Tramp: «Ukrainaga bosim o‘tkazishga majbur bo‘lgandik»
Jahon | 20:53 / 18.03.2025
Temu O‘zbekistonda yuridik shaxs sifatida ro‘yxatdan o‘tdi
O‘zbekiston | 20:25 / 18.03.2025
So‘nggi yangiliklar
-
Yo‘llardagi qoidabuzarliklar uchun jarima ballari to‘g‘risidagi qaror loyihasi e’lon qilindi
O‘zbekiston | 15:33
-
Yevropa Ittifoqi mudofaa tayyorgarligini oshirish bo‘yicha ishlarni tezlashtiradi
Jahon | 14:59
-
O‘zbekiston va Fransiya Afg‘oniston yo‘nalishidagi hamkorlikni muhokama qildi
O‘zbekiston | 13:53
-
Simulyatsiya va foydalanilmagan penalti - Masharipov va Shomurodovning Qirg‘izistonga qarshi o‘yindan keyingi fikrlari
Sport | 13:52
Mavzuga oid

10:55 / 15.03.2025
Qurilish vazirligi huzurida "Issiqlikta’minoti" AJ tashkil etiladi

10:41 / 21.02.2025
Anhor va Navro‘z bog‘lari qayta qurilmaydi - Qurilish vazirligi

14:55 / 26.12.2024
Toshkentning 2045 yilgacha bo‘lgan bosh rejasi tasdiqlandi

13:24 / 28.11.2024