51 ta tumanda meva-sabzavotlarni shok usulida muzlatish yo‘lga qo‘yiladi

2025 yilga mo‘ljallangan davlat dasturi loyihasi muhokama uchun e’lon qilindi.

Meva-sabzavotchilikka ixtisoslashgan 51 ta tumanda meva-sabzavotlarni shok usulida muzlatishni yo‘lga qo‘yish bo‘yicha yangi loyihalar amalga oshiriladi.

Yil yakuni bilan umumiy quvvati 44 ming tonna bo‘lgan loyihalar amalga oshiriladi, bunda 51 ta meva-sabzavotchilikka ixtisoslashgan tumanda meva-sabzavotlarni saqlash bo‘yicha loyihalar shakllantiriladi.

Loyihalarning manzilli ro‘yxati shakllantiriladi va moliyaviy manbalari aniqlanadi.

Loyihalarni ishga tushirish choralari ko‘riladi.

Mahalliy sabzavot, poliz, kartoshka urug‘lik ta’minoti 50 foizga yetkaziladi.

Urug‘chilik sohasida xususiy sektor jalb qilinishini elita urug‘chilik xo‘jaliklari xususiylashtirilishi hisobiga mahalliy sabzavot, poliz va kartoshka urug‘chiligida birlamchi urug‘lik materiallarining ko‘paytirilishi amalga oshiriladi.

Bunda, ommaviy savdolar orqali sotiladigan 39 ta elita urug‘chilik xo‘jaliklari tomonidan sabzavot, poliz va kartoshka urug‘larining yuqori avlodli urug‘liklari yetishtirilishi ta’minlanadi.