Rossiyada o‘zbekistonlik migrant balandlikdan yiqilib halok bo‘ldi

Rossiyaning Leningrad viloyati, Kingisepp tumanida o‘zbekistonlik migrant halok bo‘ldi. Uning o‘limi sabablari o‘rganilmoqda, deb xabar berdi 78.ru.

Qayd qilinishicha, 26 yanvar kuni kechqurun Ust-Luga posyolkasining Krakole kvartalidagi gazni qayta ishlash zavodida 42 yoshli o‘zbekistonlik metall konstruksiyalarni o‘rnatish vaqtida 30 metr balandlikdan qulab tushgan. Jabrlanuvchi Kingisepp shifoxonasi tez yordam bo‘limiga olib ketilayotganda vafot etgan. Uning ismi-sharifi xabarda keltirilmagan.

Ta’kidlanishicha, hozir tergov harakatlari olib borilmoqda.