“Farosatida nuqsoni borlarni jazolash” - Alisher Qodirov uni haqorat qilayotganlarni javobgarlikka torttirmoqchi
“Milliy tiklanish” partiyasi yetakchisi, deputat Alisher Qodirov uni haqorat qilayotganlarni javobgarlikka torttirishi haqida ma’lum qildi. U bu haqda o‘zining Telegram’dagi kanalida yozgan.
“Intizomsizga marhamat qilib jamiyatda nizomni beqadr qilayotganimizni tushundik. Erkin jamiyat milliy taraqqiyotning o‘zagidir. Erkinlik — farosati borlar uchun imkoniyat, farosati yo‘q notavonlar uchun zahmat olib keladi”, — deya yozadi deputat.
Qodirov tanqidlarga ochiqligini, muloqot va muhokama vazifasi ekanligini eslatib, “ommaviy chiqishlarda haqorat ishlatadigan farosatida nuqsonlilarni jazolash orqali jamiyatni o‘zgartirishga hissa” qo‘shmoqchiligini ta’kidlagan.
U posti so‘ngida #haqoratjazolanadi heshtegini qoldirgan.
Qodirov bu orqali aynan kimlarni nazarda tutgani noma’lum. Biroq deputat o‘zining avvalgi chiqishlaridan birida “gazni uy isitish va ovqat pishirishga ishlatib yuboradigan xalqning kosasi oqarmaydi” deya yozib tarmoqlarda ko‘plab muhokamalarga sabab bo‘lgandi.
Ma’lumot uchun, Ma’muriy javobgarlik to‘g‘risidagi kodeksning 41-moddasida haqorat qilish, shaxsning sha’ni va qadr-qimmatini qasddan kamsitish BHMning 20 baravaridan 40 baravarigacha (7,5 million so‘mdan 15 million so‘mgacha) miqdorda jarima solishga sabab bo‘lishi mumkinligi qayd etilgan.
Tavsiya etamiz
Leapmotor avtomobillarining O‘zbekistonga importi cheklangani yuzasidan izoh berdi
O‘zbekiston | 15:52 / 11.04.2025
“Yaqin kunlarda rekord issiqlik to‘lqini kutilmoqda” – iqlimshunos Erkin Abdulahatov
O‘zbekiston | 13:00 / 10.04.2025
O‘zbekistonliklarni haqoratlagan tiktoker qamoqqa olindi
Jamiyat | 09:52 / 10.04.2025
Xitoy o‘z fuqarolarini AQShga bormaslikka chaqirdi
Jahon | 22:59 / 09.04.2025
So‘nggi yangiliklar
-
Oldi olingan to‘ntarish, qayta tekshiriladigan GES va qimmatlagan go‘sht - Markaziy Osiyo hafta ichida
Jahon | 10:20
-
Tojikistondagi zilzila kuchi O‘zbekiston hududlarida sezildi
O‘zbekiston | 09:37
-
Shahram G‘iyosov navbatdagi raqibini nokautga uchratdi (video)
Sport | 09:20
-
Tramp tariflar bilan bog‘liq muvaffaqiyatsizlikda yordamchilarini aybladi – OAV
Jahon | 23:51 / 12.04.2025
Mavzuga oid

18:01 / 11.04.2025
“Oqibatlari og‘ir bo‘ladi” - Alisher Qodirov internetdagi “axborot loyihalari” haqida

11:18 / 23.03.2025
«Chunki puli tugaydi» - Alisher Qodirov saylovdan keyin partiyalar jim bo‘lib qolishi haqida

18:12 / 27.01.2025
Teleboshlovchi Nilufar Sotiboldiyevani haqoratlagan shaxs jinoiy javobgarlikka tortildi

11:56 / 24.01.2025