Qariyb yarim mlrd so‘mlik elektrdan noqonuniy foydalangan novvoyxona aniqlandi

Oilaviy korxona rahbari korxonaga qarashli non mahsulotlari ishlab chiqarish sexini o‘zboshimchalik bilan tarmoqqa ulagan.

Foto: Bosh prokuratura

Sirdaryo viloyati Sirdaryo tumanida 489 mln so‘mlik elektr energiyasidan noqonuniy foydalangan novvoyxona aniqlandi.

Bosh prokuratura ma’lum qilishicha, “U.N.P.” oilaviy korxonasi rahbari F.M. korxonaga qarashli non mahsulotlari ishlab chiqarish sexini o‘zboshimchalik bilan tarmoqqa ulagan.

Holat bo‘yicha F.M.ga nisbatan Jinoyat kodeksining 169-moddasi 4-qismi “a” bandi (O‘g‘irlik juda ko‘p miqdorda) bilan jinoyat ishi qo‘zg‘atilib, protsessual tartibda ushlangan.