Suriyada davlat to‘ntarishiga urinishning oldi olindi

Suriya maxsus xizmatlari mamlakatda sobiq Suriya armiyasi zobitlari tomonidan tayyorlanayotgan davlat to‘ntarishining oldini oldi. Bu haqda «Kommersant» xabar berdi.

«Biz ag‘darilgan rejim zobitlari tomonidan tayyorlanayotgan, endi o‘tmishda qolgan davlat to‘ntarishi rejalarini barbod qildik. Bu qurolli kuchlarimiz va xalqimiz sa’y-harakatlari tufayli amalga oshdi», dedi Suriya ichki ishlar vaziri Anas Xattob.

U davlat to‘ntarishi qachon rejalashtirilganiga aniqlik kiritmagan.

Suriya Tashqi ishlar vazirligi rahbari so‘zlariga ko‘ra, «fitna» oldi olinganidan so‘ng, rasmiylar boshqa xavfsizlik xizmatlari bilan muvofiqlashtirishni kuchaytirish orqali jinoyatchilarni ta’qib qilish uchun mas’ul departament tashkil etishga qaror qilgan. Xavfsizlik va barqarorlikni mustahkamlash choralari ko‘rilgani ta’kidlangan.

Mart oyida Suriya Mudofaa vazirligi Bashar Asad tarafdorlari tomonidan yuzaga keltirilishi mumkin bo‘lgan tahdidni bartaraf etish rejasi ishlab chiqilishini e’lon qilgan edi.

Bu islomiy guruhlar tomonidan ag‘darilgan Bashar Asad mansub bo‘lgan hukumat kuchlari va alaviylar o‘rtasida mamlakatning qirg‘oqbo‘yi mintaqalarida ro‘y bergan to‘qnashuvlardan ko‘p o‘tmay sodir bo‘ldi.