Ötgan kun davomida jahonda röy bergan eng asosiy voqealar va yangiliklar şarhi bilan kundalik xabarnomamizda taniştiramiz.

BMT sudida Isroilga qarşi eşituv boşlandi

BMT Xalqaro sudi Isroilning Ğazo va Ğarbiy Sohildagi falastinliklarga gumanitar yordam körsatiş majburiyatlarini muhokama qilişni boşladi. Bu jarayon BMT Boş Assambleyasining murojaati ortidan boşlandi. Asosiy sabab — Isroilning UNRWA agentligi faoliyatini taqiqlaşi va Ğazoga yordam kiritişni çeklaşi böldi.

BMT mart oyidan beri yordamning töxtaşi Ğazoda halokatli oqibatlarga olib kelayotganini bildirib, Isroilni xalqaro huquqni hurmat qilişga çaqirdi.

7 oktyabrdan buyon Ğazoda halok bölganlar soni 52 ming 314 kişiga yetdi. Falastin soğliqni saqlaş vazirligi ma’lumotiga köra, sönggi sutka içida 71 kişi halok bölib, 153 kişi yaralangan.

Isroil 18 martdan qayta boşlagan hujumlar natijasida 2222 falastinlik halok bölgan, 5751 kişi jarohat olgan. Jahon hamjamiyati Ğazodagi vaziyat yuzasidan jiddiy taşviş bildirmoqda.

Pokiston Hindiston hujumiga tayyorlanmoqda

Pokiston mudofaa vaziri Havoja Asif Hindiston armiyasining Pokiston hududiga bostirib kirişini «muqarrar» deb atadi. Reuters agentligiga bergan intervyusida u mamlakat kuçlari mustahkamlanganini va strategik qarorlar qabul qilinganini ma’lum qildi.

Asifning sözlariga köra, Pokiston armiyasi hukumatni ehtimoliy hujum haqida oldindan ogohlantirgan. Hozirda Islomobod Xitoy, Fors körfazi davlatlari, Buyuk Britaniya va AQŞ bilan aloqada ekanini ham qayd etdi.

22 aprel kuni Hindistonning Jammu va Kaşmir ştatidagi terakt ortidan ikki davlat örtasida keskinlik yanada oşgan. Hindiston Pokistonni ayblagan va çegarani yopgan. Pokiston esa harbiy tayyorgarlikni kuçaytirdi.

Ikki davlat ham yadroviy qurolga ega bölib, Havoja Asif yadro quroli faqat töğridan-töğri tahdid holatida qöllanişini ta’kidladi. Hindiston esa keskinlik şaroitida raketa sinovlarini amalga oşirgan.

Putin Ukrainada qisqa otaşkesim e’lon qildi