Makron Vetnamga tashrifi chog‘ida rafiqasidan shappati yedi

Yelisey saroyi buni «fitna nazariyotchilari e’tiboriga tushishiga arziydigan hodisa emas», deb hisobladi.

Foto: Videodan kadr

Fransiya prezidenti Emmanuel Makron Vetnamga tashrifi chog‘ida rafiqasi Brijitdan tarsaki yedi.

Hodisa Fransiya prezidenti samolyotining eshigi ochilgan vaqtda yuz berdi. Videolavhada Makron yuziga tarsaki tushirilgani ko‘rinadi. Birozdan keyin prezident va birinchi xonim xotirjam holda samolyotdan tushib keladi.

Yelisey saroyining ta’kidlashicha, Makron va uning rafiqasi shunchaki «hazillashishga qaror qilgan», bu ularning rasmiy tadbir oldidan «xotirjam bo‘lib olish usuli» hisoblanadi. Liberation xabariga ko‘ra, Yelisey saroyi buni «fitna nazariyotchilari e’tiboriga tushishiga arziydigan hodisa emas», deb hisoblaydi.