Eron prezidenti mamlakatning yadroviy dasturdan voz kechmasligini aytdi

Mas’ud Pizishkiyon, shuningdek, yadroviy dastur tinch maqsadlarda bo‘lishini ta’minlashga tayyorligini ma’lum qildi.

Foto: president.ir

Eron yadroviy dasturning tinch maqsadlarini kafolatlashga tayyor, biroq undan voz kechishga rozi bo‘lmaydi, dedi mamlakat prezidenti Mas’ud Pizishkiyon Fransiya prezidenti Emmanuel Makron bilan telefon suhbatida.

«Biz hech qanday sharoitda yadroviy faoliyatni nolga tushirishni qabul qilmaymiz», dedi u.

Shu bilan birga, Pizishkiyon Makron bilan suhbatda «ishonchni mustahkamlash va Eron yadroviy faoliyati tinch xarakterini kafolatlash» uchun muloqot va hamkorlikka tayyorligini bildirdi.

Eron prezidenti Tehron «hech qachon yadro qurolini ishlab chiqarish niyatida bo‘lmagan va niyatida ham emasligini» eslatdi. Shu bilan birga, Erondan tinch yadroviy dasturidan voz kechishni talab qilib bo‘lmaydi, deb qo‘shimcha qildi u.

Isroil 13 iyun kuni Eronga qarshi harbiy operatsiyani boshladi, bu Eronning yadroviy qurol yaratishga bo‘lgan yondashuvi bilan bog‘landi. Eron bu kabi ayblovlarni rad etdi va javoban Isroilga hujum qilib, uning hududiga raketa zarbalarini berdi.

Isroil Eron yadroviy inshootlariga bir necha bor hujum qildi, 21 iyun kuni Isfahondagi sentrifuga ishlab chiqarish korxonasiga zarba berdi.

Tayyorlagan Сардор Юсупов

#Eron #Isroil #yadro dasturi

2025 yil 13 iyunga o‘tar kechasi Isroil Eronning harbiy va yadroviy obektlariga zarbalar berishni boshladi. Bunga javoban Tehron Isroil ustidan bombalar yog‘dirdi. 12 kun davom etgan urush, AQShning Eron yadro obektlariga hujum qilishi bilan yakunlandi.