Xoqon Fidan: Isroilning G‘azodagi genotsidi mintaqadagi o‘n yillik taraqqiyotni yo‘q qildi

Isroil tomonidan G‘azoda amalga oshirilayotgan genotsid mintaqadagi o‘n yillik taraqqiyotni yo‘q qildi. Bu haqda Turkiya tashqi ishlar vaziri Xoqon Fidan Rio-de-Janeyrodagi BRICS sammitida aytib o‘tdi. Uchrashuv «Ko‘p tomonlama munosabatlarni mustahkamlash, iqtisodiy va moliyaviy masalalar va sun’iy intellekt» mavzusida bo‘lib o‘tdi.

«Agar Isroilning tajovuzkorligi va ekspansiyasi nazorat ostiga olinmasa, oqibatlari global miqyosda seziladi», — deya ta’kidladi Turkiya diplomatiyasi rahbari.

Fidanning ta’kidlashicha, ko‘p tomonlama harakatdan voz kechish qo‘llash mumkin bo‘lgan variant emas.

Uning so‘zlariga ko‘ra, aynan ko‘p tomonlama yondashuv uzoq vaqtdan beri taraqqiyotning harakatlantiruvchi kuchi bo‘lib, kundalik hayotga – fuqaro aviatsiyasi va sog‘liqni saqlash tizimlaridan tortib, adolatli savdo va raqamli standartlargacha ta’sir ko‘rsatadi.

Fidanning qayd etishicha, Isroil G‘azoda amalga oshirayotgan genotsid mintaqadagi o‘n yillik taraqqiyotni yo‘q qilgan. «Hozirda Falastin xalqining fojiasi ko‘p tomonlama harakat bo‘yicha muhokamalarimiz markazida. Bu holat xalqaro tinchlik va xavfsizlikni ta’minlashi kerak bo‘lgan tashkilotlar uchun jiddiy qonuniylik inqirozini ko‘rsatmoqda», dedi turk diplomatiyasi rahbari.

Turkiya tashqi ishlar vaziri Anqara o‘z sa’y-harakatlarini tinch yo‘l bilan hal etish va keskinlikni pasaytirishga qaratayotganining sababi ham shu ekanini ta’kidlab, mintaqada mustahkam tinchlik o‘rnatilishini har tomonlama qo‘llab-quvvatlashga tayyorligini ta’kidladi.