2026 yilda Toshkentdan Samarqand va Andijonga pulli yo‘llar qurilishi boshlanadi.
Iqtisodiyot va moliya vazirligining 2026−2028 yillarga mo‘ljallangan fiskal strategiyasida qayd etilishicha, 2026 yilda Toshkent-Samarqand va Toshkent-Andijon yo‘nalishlarida pulli avtomobil yo‘llarini qurish loyihalari amalga oshiriladi.
Shuningdek, Iqtisodiyot va moliya vazirligi xalqaro avtomagistral yo‘llarni ta’mirlash va qurishni, shuningdek, mavjud yo‘llarning o‘tkazuvchanlik qobiliyatini oshirish va xavfsizligini yaxshilash bo‘yicha kompleks chora-tadbirlar dasturini amalga oshirishni rejalashtirmoqda.
Bu xalqaro moliya institutlari mablag‘lari hisobidan va ilg‘or tajribani inobatga olgan holda bajariladi.
