O‘zbekiston va Turkiya Afg‘oniston yo‘nalishidagi hamkorlikni muhokama qildi

O‘zbekiston prezidentining Afg‘oniston bo‘yicha maxsus vakili Ismatulla Ergashev Turkiya elchisi Ufuk Ulutash bilan uchrashdi.

TIV ma’lumotiga ko‘ra, muzokaralar chog‘ida Afg‘oniston yo‘nalishidagi ikki tomonlama hamkorlikning dolzarb masalalari, shuningdek, mintaqaviy barqarorlik va xavfsizlik istiqbollari muhokama qilingan.

Tomonlar O‘zbekiston va Turkiya o‘rtasidagi tizimli va konstruktiv muloqotni davom ettirishdan o‘zaro manfaatdor ekanini tasdiqladi va muntazam maslahatlashuvlarni davom ettirishga kelishib oldi.