Hindiston o‘rta masofaga mo‘ljallangan ballistik raketa sinovini o‘tkazdi

Hindiston harbiylari Agni-5 qit’alararo raketasi varianti bo‘lgan o‘rta masofaga mo‘ljallangan ballistik raketa sinovini muvaffaqiyatli o‘tkazdi, deb xabar berdi Hindustan Times nashri. 

Xabarga ko‘ra, sinov Odisha shtatidagi raketa poligonida o‘tkazilgan.

Qayd etilishicha, raketaning ushbu varianti mudofaa tadqiqotlari va ishlanmalari tashkiloti tomonidan ishlab chiqilgan. 

Hozirda Agni-5 raketasining maksimal parvoz masofasi 7 ming kilometrga yaqin bo‘lib, uni 7,5 ming kilometrgacha yetkazish ustida ish olib borilmoqda.