YeI sudi Vengriya va Rossiya uchun AES qurilishiga berilgan ruxsatnomani bekor qildi

Yevropa Ittifoqining Lyuksemburgdagi sudi Yevrokomissiyaning Vengriyaning Rossiya bilan birgalikda "Paksh" AESda yangi energiya bloklari qurilishiga moliyaviy hissa qo‘shishini ma’qullaganini bekor qildi. Bu haqda sudning o‘z saytida e’lon qilingan qarorida aytiladi. Xususan, sud Yevropa komissiyasida Budapeshtning "Rosatom" konserni korxonalaridan biri bilan hech qanday tender o‘tkazmasdan to‘g‘ridan to‘g‘ri shartnoma tuzishini ma’qullash uchun yetarli asoslar yo‘q, deb topdi.

Yevrokomissiya «ikkita yangi reaktor qurish bo‘yicha shartnomaning Rossiya korxonasiga to‘g‘ridan to‘g‘ri o‘tkazilishi YeIning davlat xaridlari bo‘yicha qoidalariga muvofiqligini tekshirishi kerak edi», — deyiladi sud matbuot xizmati matbuot xizmatida.

Yevrokomissiya matbuot xizmati ushbu qaror va uning oqibatlari haqida izoh berishdan o‘zini tiydi va faqatgina «uni e’tiborga olishi va keyingi ehtimoliy qadamlarni belgilayotganini» ta’kidladi.