Qoʻshimcha funksionallar
-
Tungi ko‘rinish
Rossiyaning yangi elchisi Baxtiyor Saidovga ishonch yorliqlari nusxalarini topshirdi
O‘zbekiston tashqi ishlar vaziri Baxtiyor Saidov Rossiyaning yangi tayinlangan elchisi Aleksey Yerxovni qabul qildi.
"Rossiyaning O‘zbekistondagi yangi tayinlangan elchisi Aleksey Yerxov janoblaridan ishonch yorliqlari nusxalarini qabul qildik, – deb yozdi O‘zbekiston TIV rahbari. – Mamlakatlarimiz o‘rtasidagi strategik sheriklik va ittifoqchilik munosabatlarini yanada mustahkamlash masalalari yuzasidan fikr almashdik. Ikki tomonlama kun tartibimizni ilgari surish va barcha sohalarda hamkorligimizni kengaytirishda yaqindan hamkorlikka intilamiz. Elchi janoblariga mamlakatimizdagi diplomatik faoliyatida yuksak muvaffaqiyatlar tilab qolamiz".
Rossiyaning Toshkentdagi yangi elchisi 64 yoshda. Moskva davlat xalqaro munosabatlar institutini tamomlagan, 1983 yildan buyon diplomatik xizmatda, jumladan Marokash, Misr, Isroil, Turkiyada, Tashqi ishlar vazirligi markaziy apparatida ishlagan. 2017 yildan 2025 yilgacha Rossiyaning Turkiyadagi elchisi lavozimida faoliyat ko‘rsatgan.
Arab, ingliz va fransuz tillarini biladi. U favqulodda va muxtor elchi diplomatik unvoniga ega.
Aleksey Yerxov 2021 yildan 2025 yilgacha Toshkentdagi elchixonani boshqargan Oleg Malginov o‘rniga tayinlandi.
Mavzuga oid
22:35 / 05.02.2026
Rossiya elchixonasi O‘zbekistonni yangi migratsiya siyosati haqida xabardor qildi
19:02 / 05.02.2026
O‘zbekiston va AQSh hukumatlari muhim foydali qazilmalar to‘g‘risida anglashuv memorandumini imzoladi
14:20 / 24.01.2026
O‘zbekistonda Saudiya Arabistonining yangi elchisi ish boshladi
14:14 / 05.12.2025