6 nafar fuqaro nomiga avtomobil xarid qilib o‘zlashtirgan shaxs aniqlandi

Bosh prokuratura huzuridagi departamentning Qo‘qon shahri bo‘limi tomonidan tergovga qadar tekshiruv o‘tkazilgan.

Unda, fuqaro A.S. 6 nafar fuqaroni aldab, ularning nomiga tijorat banki filialidan ajratilgan avtokredit to‘lovlarini o‘zi to‘lab yurishiga ishontirib, jami 1,2 mlrd so‘m kredit mablag‘lari hisobiga sotib olingan 8 ta avtotransport vositasini boshqa shaxslarga sotib yuborib, o‘zlashtirganligi aniqlangan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.