O‘zbekistonda «yashil» energiya ishlab chiqarish umumiy hajmning 20 foizidan oshdi

Bugungi kunda mamlakatda umumiy quvvati 4 682 megavatt bo‘lgan 12 ta quyosh fotoelektr stansiyasi va 5 ta shamol elektr stansiyasi ishlab turibdi.

«Yashil» energiya hisobidan:

➖2 mlrd 424 mln kub metr tabiiy gaz tejaldi;
➖ atmosferaga chiqishi mumkin bo‘lgan 3 mln 552 ming tonna zararli moddalar oldi olindi.

Joriy yil boshidan 23 sentabr holatigacha O‘zbekistondagi barcha gidroelektr, quyosh va shamol stansiyalari jami 13 mlrd 220 mln kVt soat elektr energiyasi ishlab chiqardi. Bu – mamlakatdagi umumiy generatsiyaning 22 foizini «yashil energiya» tashkil etayotganini anglatadi.

Bu esa 7,3 mln xonadonning 9 oylik yoki 5,5 mln xonadonning bir yillik elektr ehtiyojiga teng.