Xiaomi yangi Redmi 15 va Redmi 15C’ni taqdim etdi - katta ekran va kuchli batareyaga ega smartfonlar

Seriyani ajratib turadigan asosiyjihat — bu akkumulyator. REDMI 15’da kompaniya uchun rekord bo‘lgan 7000 mA/s sig‘imli akkumulyator mavjud bo‘lib, ikki kunlik faol ishlashga yetadi. Hatto quvvat 1% gacha tushsa ham, smartfon deyarli yana bir soat ishlaydi. REDMI 15C esa 6000 mA/s batareyaga ega bo‘lib, u bir kun davomida video, musiqa va qo‘ng‘iroqlarni bemalol ko‘taradi. Tezkor quvvatlash esa atigi yarim soatda 50% quvvatlash imkonini beradi.

Yana bir afzallik — bu ulkan 6,9 dyuymli ekran. U filmlar, o‘yinlar va ijtimoiy tarmoqlar uchun juda qulay. Yorqinlik va tasvirning silliqligi uzoq foydalanishda ham ko‘zni charchatmaydigan qilib sozlangan.

Smartfonlar zamonaviy va chiroyli ko‘rinishga ega. Korpus yupqa va egilgan, qo‘lda qulay turadi, ranglar esa har kimga mos variantni topish imkonini beradi — tim qora va kulrangdan tortib, barra yashil va yorqin to‘q sariqqacha.

Foto va video ishqibozlari uchun 50 megapikselli sun’iy intellektli kamera o‘rnatilgan. U kunduzi ham, kechasi ham tiniq kadrlarni olishga yordam beradi. Redmi 15 5G versiyasida esa qo‘shimcha vositalar mavjud: suratdagi keraksiz detallardan xalos bo‘lish yoki osmonni yorqinroq va jonliroq qilib almashtirish mumkin.

Smartfonlar yangilangan HyperOS 2 tizimida ishlaydi, bu esa qurilmadan kundalik hayotda qulay foydalanishni ta’minlaydi. U Google orqali tezkor qidirish, aqlli funksiyalardan foydalanish, shuningdek, telefon, planshet va kompyuter o‘rtasida ma’lumotlarni sinxronlash imkonini beradi.

Redmi 15C yupqa korpus va to‘rt tomonlama 3D-orqa qopqoq bilan taqdim etilgan bo‘lib, u qo‘lda qulay va tekis turadi. Dizaynni «suzuvchi» kamera moduli to‘ldirib, qurilmaga nafislik beradi. Smartfon to‘rtta rangda taqdim etiladi — Midnight Black, Mint Green, Moonlight Blue va Twilight Orange. Moonlight Blue va Twilight Orange ranglari dengiz to‘lqinlari va quyosh nuri ilhomida yaratilgan bo‘lib, ularning noyob jilosi ikki rangli magnit siyoh texnologiyasi yordamida hosil qilingan.

Old panelda 6,9 dyuymli HD+ displey o‘rnatilgan bo‘lib, 120 Gs AdaptiveSync yangilanish chastotasi bilan silliq va sezgir tasvir beradi. Asosiy kamera tizimi 50 MP AI-sensor bilan jihozlangan bo‘lib, istalgan yoritishda tiniq va batafsil suratlarni olish mumkin. Yupqa korpusiga qaramay, Redmi 15C 6000 mA/s akkumulyatorga ega bo‘lib, u 22 soat video ko‘rish yoki 82 soat musiqa tinglash imkonini beradi. 33 Vt tezkor quvvatlash yordamida batareya atigi 31 daqiqada 50% gacha to‘ldiriladi. Bundan tashqari, teskari quvvatlash funksiyasi Redmi 15C’ni boshqa qurilmalarni quvvatlash uchun ishlatish imkonini beradi.

IP64 chang va suv tomchilaridan himoya smartfonni yanada ishonchli qiladi, 200% ovozni oshirish funksiyasi esa shovqinli joylarda ham musiqa, bildirishnoma va qo‘ng‘iroqlarni aniq eshitishni ta’minlaydi.

Redmi 15C 4GB+128GB, 6GB+128GB, 4GB+256GB va 8GB+256GB konfiguratsiyalarda mavjud bo‘ladi.

Narxlar 1 499 000 so‘mdan boshlanadi.

Sotuvda: Texnomart, Idea, Uzum Market, ISHONCH.

Instagram | Telegram | Servis markazlari

Reklama huquqi asosida