NATOning Steadfast Noon («Qat’iy tuş») yadroviy tiyib turiş böyiça yillik maşğulotlari 13 oktyabr, duşanba kuni boşlandi. Maşğulotlar Şimoliy dengizda bölib ötmoqda va ikki hafta davom etadi. NATOga a’zo 14 davlatdan 2000 ga yaqin askar va 71 ta samolyot iştirok etadi.
Amerika Qöşma Ştatlari an’anaviy va yadroviy qurollarni olib yurişga qodir bölgan törtta ikki tomonlama maqsadga ega F-35 qiruvçi samolyotlari bilan qatnaşadi. Germaniya uçta Tornado qiruvçi-bombardimonçisi, şuningdek, törtta Eurofighter Typhoon köp maqsadli qiruvçi samolyotlarini yubordi.
«Ta’kidlaş joizki, bu maşğulotlar har yili ötkaziladi. Va biz buni qilişimiz kerak, çunki bu bizning yadroviy töxtatuvçi vositamizning maksimal işonçliligi, xavfsizligi va samaradorligini ta’minlaşga yordam beradi», — dedi NATO boş kotibi Mark Ryutte. «Şuningdek, bu har qanday potensial raqibga biz barça ittifoqçilarni har qanday tahdiddan himoya qilişimiz mumkinligi haqida aniq xabar yuboradi», deya qöşimça qildi u. Şuningdek, bu manyovrlar, agar kerak bölsa, NATO özini yadro quroli bilan himoya qilişga tayyorligi haqida Moskvaga aniq signal berişni maqsad qilgan.
Niderlandiyadagi Volkel aviabazasi samolyotlar uçun asosiy baza böladi. Yordam bölinmalari Buyuk Britaniyadagi Leykenxit havo kuçlari bazasida va Belgiyadagi Klyayne-Brogel havo kuçlari bazasida, yadroviy qöllab-quvvatlaş kuçlarining katta kontingenti esa Daniyadagi Skridstrup bazasida joylaştiriladi.
Maşqlar tafsilotlari sir saqlanmoqda. Harbiy ekspertlarning fikriga köra, ular yadroviy qurollarni yerosti omborlaridan samolyotlarga xavfsiz ötkaziş va qiruvçi samolyotlar ostiga jangovar kallaklarni örnatiş amaliyotini öz içiga oladi. Bu, odatda, haqiqiy yadroviy kallaklarsiz qöğirçoq bombalardan foydalanişni nazarda tutadi.
