O‘zbekiston tashqi ishlar vaziri Rimda Iordaniya podshohi bilan uchrashdi

«Rim shahrida Iordaniya hoshimiylar podsholigining hazratlari podsho Abdulla II ibn Al-Huseyn bilan uchrashish hamda O‘zbekiston prezidenti muhtaram Shavkat Mirziyoyevning samimiy salomi va maxsus maktubini yetkazish men uchun katta sharaf bo‘ldi, – deb yozdi O‘zbekiston TIV rahbari. – Uchrashuvimiz O‘zbekiston va Iordaniya o‘rtasidagi do‘stlik va o‘zaro hurmatga asoslangan mustahkam aloqalarning yana bir bor tasdig‘iga aylandi. Har ikki mamlakat siyosiy, iqtisodiy, madaniy va gumanitar sohalarda hamkorlikni yanada mustahkamlashga qat’iy sodiqdir.

Umumiy qadriyatlar va hamkorlik ruhidan ilhomlanib, ikki davlat tashqi ishlar vazirliklari o‘zaro ishonch va qat’iyat bilan ushbu samarali munosabatlarni yanada boyitish, xalqlarimiz farovonligi va ezgu kelajagi yo‘lida yangi hamkorlik yo‘nalishlarini ochishga intiladilar».