YeI rossiyaliklar hisobraqamlaridagi 25 mlrd yevrodan foydalanishni muhokama qiladi

Yevropa Ittifoqi Rossiya Markaziy bankining Yevropadagi muzlatilgan aktivlaridan foydalangan holda Ukrainaga taxminan 140 milliard yevro miqdorida foizsiz kredit berishni muhokama qilmoqda. Shu bilan birga, Yevropa komissiyasi (YeK) YeIdagi xususiy bank hisobraqamlaridagi 25 milliard yevrodan xuddi shu maqsadlarda foydalanish imkoniyatini o‘rganmoqchi. Bu haqda 17 oktyabr, juma kuni Politico xabar berdi.

«Yevropa Ittifoqidagi muzlatilgan boshqa aktivlarga tovon to‘lash bo‘yicha kredit tashabbusini uzaytirish imkoniyati ko‘rib chiqilishi kerak», deyiladi YeK tomonidan 17 oktyabr kuni doimiy vakillarning ushbu masalani muhokama qilish uchun yig‘ilishi oldidan YeIga a’zo davlatlarga tarqatilgan hujjatda.

«Bunday aktivlarga nisbatan reparatsiya krediti yondashuvini kengaytirishning qonuniy maqsadga muvofiqligi batafsil baholanmagan», — deyiladi hujjatda. «Bunday baholash keyingi qadamlar haqida qaror qabul qilishdan oldin o‘tkazilishi kerak», deya qo‘shimcha qiladi u.

Yevropa Ittifoqi yetakchilari Ukraina uchun tovon to‘lash bo‘yicha kredit tashabbusi yuzasidan keng muhokama o‘tkazishi va Yevropa komissiyasini taklif kiritishga chaqirishi kutilmoqda.

U tez orada e’lon qilinishi kutilmoqda va uni amalga oshirish uchun zarur bo‘lgan moliyaviy mexanizmlar bo‘yicha keyingi muzokaralar uchun platforma bo‘lib xizmat qiladi. Moliya vazirlari noyabr oyida bo‘lib o‘tadigan navbatdagi yig‘ilishda uni batafsil muhokama qiladi.

Muzlatilgan aktivlarning aksariyati Belgiyaning Euroclear nomli moliyaviy depozitariysida saqlanadi.