27 oktyabr kuni oltin narxi 2 foizdan ko‘proqqa pasayib, so‘nggi uch haftadagi eng past darajaga tushdi. Bunga AQSh va Xitoy o‘rtasidagi savdo tangligining yumshashi haqidagi umidlar sabab bo‘ldi, deya xabar beradi Reuters.
Tomonlarning kelishib olishi borasidagi umidlar riskli aktivlarga bo‘lgan qiziqishni kuchaytirib, “xavfsiz boshpana” hisoblangan oltinga talabni kamaytirdi. Shuningdek, shu hafta bo‘lib o‘tadigan AQSh Federal zaxira tizimi yig‘ilishi ham investorlar e’tiborida turibdi.
Seshanba kuni spot-oltin narxi 2 foizga tushib, unsiyasi uchun 3 899,94 dollarni tashkil etdi – bu 6 oktyabrdan beri kuzatilgan eng past ko‘rsatkich. Dekabr oyida yetkazib beriladigan AQSh oltin fyucherslari esa 2,6 foizga kamayib, 3 915,30 dollarga teng bo‘ldi.
Dushanba kuni AQSh prezidenti Donald Tramp Xitoy bilan savdo kelishuvi tuzilishiga ishonch bildirdi. U Malayziyaga tashrifi davomida Janubi-Sharqiy Osiyoning to‘rtta davlati bilan savdo va strategik minerallar bo‘yicha bitimlar imzolaganini e’lon qildi.
Yakshanba kuni esa AQSh va Xitoyning iqtisodiyot bo‘yicha yuqori martabali amaldorlari Tramp va Si payshanba kuni muhokama qiladigan savdo kelishuvi loyihasi ustida kelishib oldi.
Shu bilan birga, Federal zaxira chorshanba kuni yakunlanadigan yig‘ilishida foiz stavkasini pasaytirishi kutilmoqda. Investorlar Fed raisi Jyerom Pauyellning keyingi siyosat yo‘nalishlari bo‘yicha izohlarini kutmoqda.
O‘zbekistonda ham oltin narxi pasaydi
Markaziy bank 28 oktyabr uchun o‘lchovli oltin quymalar narxini belgiladi. Unga ko‘ra:
- 5 gramm – 7 969 000 so‘m
- 10 gramm – 15 934 000 so‘m
- 20 gramm – 31 867 000 so‘m
- 50 gramm – 79 669 000 so‘m
- 100 gramm –
