Pochta va kurerlik jo‘natmalari uchun yangi bojxona tartibi tasdiqlandi

Hukumatning 700-son (06.11.2025 y.) qarori bilan “Xalqaro pochta va kurerlik jo‘natmalarini bojxona nazorati va rasmiylashtiruvidan o‘tkazish tartibi to‘g‘risida”gi nizom tasdiqlandi. Hujjat xalqaro pochta va ekspress jo‘natmalardagi tovarlarni bojxonada shaffof va standartlashgan tartibda rasmiylashtirishni ko‘zda tutadi.

Foto: Getty images

Pochta va kurerlik jo‘natmalari orqali yuboriladigan yoki olib kiriladigan tovarlar bojxona nazoratidan o‘tkaziladi. Pochta aloqasi operatori va ekspress tashuvchi jo‘natmalarni bojxona organlariga ko‘zdan kechirish/ko‘rik uchun taqdim etadi.

Jo‘natmalar bojxona nazoratida tashish shartlariga rioya etgan holda manzil bojxona postigacha yetkaziladi. Tashish, yuklash/qayta yuklash, tushirish, saqlash va shu kabi yuk operatsiyalari bilan bog‘liq xarajatlar operator yoki ekspress tashuvchi hisobidan qoplanadi.

Jo‘natmalar xavfni boshqarish tizimi asosida jo‘natmalar deklaratsiyasi orqali uch yo‘lakdan birida rasmiylashtiriladi:

qizil yo‘lak — hujjat va tovarga to‘liq batafsil tekshiruv;
sariq yo‘lak — hujjatlar ekspertizasi, zaruratda qo‘shimcha izoh/tasdiq;
yashil yo‘lak — tezkor o‘tkazish, minimal aralashuv.

Yangi tartib xalqaro jo‘natmalar oqimini tartibga soladi, xavfli operatsiyalarni saralab nazorat qiladi va bojxona rasmiylashtiruvida samaradorlikni oshiradi.

Tayyorlagan: Отабек Матназаров

#pochta #jo‘natmalar