«MYu» «Tottenhem»ga qarşi, Italiyada derbi, «Barselona»da yana qiyin safar. Kun öyinlari anonsi

YuVeNTUS – TORINO (8 noyabr, 22:00)

“Yuventus” Tudorni iste’foga çiqargaç, vaqtinçalik murabbiy yordamida “Udineze”ni, keyin esa Spaletti bilan “Kremoneze”ni mağlubiyatga uçratdi. “Sporting”ga qarşi durang biroz aldamçi bölişi mumkin, zero bu öyinda “Yuventus” 18 dan oşiq zarba bergan va 9 marta töp darvozaga aniq yetib bordi ham. Rui Sulvining işonçli öyini va turinlik hujumçilarning omadsizligi evaziga 1:1 hisobi saqlanib qolindi. Şunday bölsa-da, jamoa öyinida muammolar hali töliq hal bölmaganini ham ta’kidlaş lozim. Şunçaki murabbiy almaşişi orqali keladigan pozitiv kayfiyat saqlanib turibdi va futbolçilar avvalgiga nisbatan köproq harakat qilayotgandek tuyulmoqda. Odatda, bunday vaziyatlarda muvaffaqiyatli seriya yordamida turnir jadvalida jiddiy kötariliş yaxşi turtki böladi. Aks holda jamoa yana eski kayfiyatga qaytib qolişi heç gap emas.

“Torino”ga qarşi öyin mana şunday ijobiy seriyani davom ettiriş uçun yaxşi. Ham derbi, demak futbolçi va muxlislarni alohida çoğlantiriş ehtiyoji yöq. Ham öyin “Yuventus”ning uy stadionida bölib ötadi.

Öz navbatida “Torino” ham anoyi raqib emas. Ayni Baroni şogirdlarining mağlubiyatsiz seriyasi beş uçraşuvga yetdi. Raqiblar orasida “Latsio”, “Napoli”, “Bolonya” kabi kuçli raqiblar bölgani, “Torino” hatto amaldagi çempion ustidan ğalaba qozongani ham mezbonlarga oson bölmasligini körsatadi. Şu bilan birga, garçi “Torino” ayniqsa öz maydonidagi bahslarda “Yuventus”ga munosib qarşilik körsatib kelsa-da, odatda mehmon sifatida natijalar yoxşi emas. Xususan “Yuventus” mezbon bölgan oxirgi 15 derbining 12 tasini öz foydasiga hal qilgan. Uç uçraşuv esa durang bilan yakunlangan. 

“Yuventus” tarkibidagi yöqotişlarga kelsak, Gleyson Bremer uzoq muddatga safdan çiqqani ma’lum. Şuningdek, Kabay “Vilyareal”ga qarşi Çempionlar Ligasi öyinida jarohat olgandi. U endi terma jamoalar bilan boğliq tanaffusdan söng maydonga qaytsa kerak. Mehmonlar safida deyarli yöqotişlar yöq. Faqat boş murabbiy Marko Baroni qizil kartoçka olgani sababli derbida maydon çetida bölmaydi.

MANÇeSTeR SITI – LIVeRPUL (9 noyabr, 21:30)

“Liverpul” bir neça mağlubiyatlar bilan davom etgan inqirozdan söng çiqib olgandek. Sönggi turda “Aston Villa”, Çempionlar Ligasida esa “Real” mağlub etildi. Har ikki ğalaba ham juda işonçli va yirik hisobda yakunlanişi mumkinligini ham e’tirof etiş kerak. Ammo boşqa tarafdan, bu öyinlarda raqiblar “Liverpul” uçun aslida qulay bölgan uslubda töp surganini ham unutmaslik kerak. “Liverpul”ning qator mağlubiyatlariga asosiy sabablardan biri raqiblarning uzun paslar bilan öynagani, köproq ikkinçi töplar, ötiş lahzalari muhim darajaga çiqqanini ham unutmaslik kerak. Balkim bir paytlar Yurgen Klopp uçun bu ayni muddao bölardi, ammo Arne Slot öyinlarni nazorat qilişga intiladi. Ötgan mavsumdagi çempionlikning asosiy poydevori aynan mana şu qadriyat bölgandi.

“Mançester Siti” esa avvalgi Pep jamoalaridan farq qiladi. Aynan moslaşuvçanligi bilan. Masalan Mançester derbisida jamoa qarşi hujumda öynab yirik ğalabaga erişdi. “Arsenal”ga qarşi öyinda butun vaqtni himoyalanib ötkazdi. Ba’zi öyinlarda esa aksinça, köproq töpni nazorat qiladigan va çiziqlar orasida öynaydigan jamoani, ya’ni eski “Mançester Siti”ni köryapmiz. Xöş, öz maydonida, ğalaba uçun öynaşidan kelib çiqsak, Pep Gvardiola birinçi raqamda öynaşni tanlaydimi yoki qöşnilari kabi uslubni tanlaydimi? Xoland bilan ikkinçi uslub ham ança samarali bölişi mumkinligini sezgandirsiz? “Liverpul” va “Mançester Siti” öyinida mançesterliklar vertikalroq öyinni tanlaydi, desak, bir neça yil oldin işoniş juda qiyin bölardi. Buning ustiga murabbiy “Liverpul”da almaşgan, “Mançester Siti”da emas.

Çempionlar Ligasida har ikki jamoa ham maydonga tuşdi, ammo “Liverpul” öz öyinini bir kun oldin ötkazgani qöşimça ustunlik bersa kerak. Ammo boşqa tarafdan “Real”ga qarşi öyin ham jismonan, ham emotsional jihatdan ança köp kuç talab qilganini ham unutmaslik lozim. “Mançester Siti” “Borussiya”ga qarşi öyin taqdirini deyarli birinçi taymdayoq hal qilib bölgandi. Buning ustiga ayni damda mançesterliklar safida maydonga tuşişi mumkin bölgan futbolçilar köproq ekani, “Liverpul”da esa aksinça, köp futbolçilar yaxşi sport formasida emas, ham jarohatlanganlar köproq ekanini ta’kidlaş kerak.

Aniq öynay olmaydiganlar içida mezbonlardan Rodri va Kovaçiç xolos. “Liverpul” esa Frimpong, Alison Beker hamda Aleksandr Isaklarning yordamidan foydalana olmaydi.

Jamoalar tur oldidan ikkinçi va uçinçi örinlarni egallab turganidan kelib çiqsak, bu öyin ğolibi 2-örinni va “Arsenal”ning asosiy ta’qibçisi rolini naqd qilib oladi.

LION – PSJ (10 noyabrga ötar keçasi, 00:45)

Parijliklar yozda klublar örtasidagi jahon çempionati finaligaça borgaç, mavsumoldi tayyorgarliklar köngildagidek bölmasligi tabiiy edi, ammo Fransiya çempionati “PSJ” uçun şunaqaki, bemalol mavsum davomida tayyorgarlik va rasmiy öyinlarni birlaştirişi mumkin, zero Enrike jamoasi uçun haqiqiy mavsum bahordan boşlanadi.

Rostan ham şunday bölyapti. Ayni paytda “PSJ” peşqadam bölsa-da, juda köp jamoalar yaqindan ta’qibda ekani, aksariyat öyinlarda jamoa qiynalayotgani sizni aldab qöymasin – “PSJ”da hammasi joyida. Şunçaki, Enrike bir qator eksperimentlar qilyapti va bu muhim pallalarda qöl kelişi mumkin. Esingizda bölsa, Enrikening xudi şundan munosabati ötgan mavsumda ham kuzatilgan. Bir neçta vingerlar va ularning özaro almaşinuvi yordamida samarali uslubni murabbiy sinay boşlagan, ilk öyinlarda, ayniqsa, Çempionlar Ligasida u pand berib, jamoa qiyin holatga tuşib qolgandi ham. Lekin keyinçalik reja işlay boşlagaç, “PSJ” Yevropaning eng kuçli jamoasiga aylandi.

Hozir ham Enrike ba’zi ğoyalarni sinab körmoqda. Hatto bir paytda 6 nafar hujumkor futbolçi bilan asosiy tarkibni tuzgan paytlari böldi. Ha, hozirça bu tuşunarsiz, lekin ötgan yilga nisbatan farq bor. Enrikega bölgan işonç kuçli va bosim kamaygan. Murabbiy nimanidir biladi va albatta öxşaydi degan fikr ustivor.

Albatta, Fransiyada “PSJ”dan boşqa qiziqarli jamoalar köp va ulardan biri “Lion” hisoblanadi. Jamoa aslida ötgan yili Yevropa Ligasi kaşfiyoti bölişi mumkin edi, ammo “Old Trafford”dagi drama lionliklarni yarim yölda töxtatib qolganini eslaysiz. Keyin esa jamoaning bankrotligi bilan boğliq xabarlar köpaydi, xayriyatki, hammasi “Lion” va muxlislari uçun köngildagidek yakunlandi. Ayni paytda “Lion” Fransiya çempionatida “PSJ”dan atigi 4 oçko kam jamğargan holda kuçli oltilikdan joy olgan. Yevropa Ligasida ham işlar yomon emas, sönggi turda Betisdagi mağlubiyatdan oldingi uç öyinni öz foydasiga hal qilgandi. Jamoa tarkibidagi Taliafiko, Xatebur, Tolisso, Gezzal kabi tajribali futbolçilarni har qanday raqib bilan çöçitiş qiyin.

Afsuski, “PSJ”ga qarşi öyinda bir qator asosiy futbolçilar “Lion”ga yordam bera olişmaydi. Ayniqsa Malik Fofana. 20 yoşli belgiyalik hujumçi ötgan mavsum kaşfiyotlaridan biri bölgan va bir qator ingliz top klublari nazariga tuşgandi. Hatto “Liverpul” qiziqiş bildirib, muzokaralar olib borgan. “Strasbur”ga qarşi öyinda Malik jarohat olgan va yana kamida ikki oy şeriklariga yordam bera olmaydi. Undan taşqari mezbonlar safida Mangalya va Nuamada ham jarohatlar bor. Şuningdek, “Lion”ning biratöla ikki futbolçisi avvalgi öyinlardagi qizil kartoçkalar tufayli diskvalifikatsiyaga ega – Abner va Xatebur.

“PSJ”da ham yöqotişlar bor. “Bavariya”ga (1:2) qarşi öyinda parijliklarning uç futbolçisi jarohat oldi – Dembele, Xakimi va Mendeş. Şuningdek Dezeri Due ham avvalgi uçraşuvda şikastlangandi.

SeLTA – BARSeLONA (10 noyabrga ötar keçasi, 01:00)

Yaqinda “Selta”ning ijtimoiy tarmoqlardagi akkaunti qiziq post qöydi. Qaçonki jamoa beşta qatorasiga ğalaba qozonsagina soçini oldirişni va’da berib maşhur bölib ketgan “Mançester Yunayted” muxlisining kal holatdagi rasmini qöyib – “agar “Selta” muxlisi bölganingda” deb yozişdi. Sababi, payşanba oqşomida Zagrebdagi ğalaba vigoliklar uçun qatorasiga beşinçisi edi.

Ammo bu bilan “Selta”ning La Ligadagi holati zör bölib ketdi, deyişdan yiroqmiz. Çunki aslida jamoa mavsumni juda yomon boşlagan, yuqorida eslangan ğalabali seriyadan oldingi 11 öyinda atigi bitta ğalaba bor edi xolos. Şuningdek, beş ğalabaning atigi ikkitasi La Liga uçraşuvi, qolgani Yevropa Ligasi va Ispaniya kubogidagi öyinlarga töğri keladi. Şunday bölsa ham aytiş kerakki, “Selta” doim kuraşadigan, osonlikça oçko bermaydigan jamoa – Ispaniya çempionatidagi 7 öyin natijasi 1:1 bilan tugaganining öziyoq “Selta”ning ança noqulay raqib ekanini körsatadi.

Jumladan “Barselona” uçun ham. Vigoda ötgan oxirgi tört safarining atigi bittasida “Barselona” minimal ğalabaga erişgan bölsa, ikki marta jangovor durang qayd etilgan. Kataloniyadagi oxirgi bahs ham esingizda bölsa kerak – mehmonlar 3:1 hisobida oldinga çiqib olgan, yakunda mezbonlar 90+8 daqiqada penaltidan urilgan gol evaziga 4:3 hisobida ğalabani ilib ketgan edi.  

Umuman olganda barça musobaqalardagi oxirgi uç safar öyinida ğalaba qozona olmayotgan, hatto “Bryugge” maydonida arang mağlubiyatdan qutulib qolgan “Barselona” uçun “Selta” ança oğir safar bölişi kutilmoqda.”Real” bilan oradagi farq 5 oçkoni taşkil qilyapti, demak Flik şogirdlari bu öyinda ğalaba qozonişi şart. Aks holda nafaqat “Real” özib ketadi, ortdan kelayotgan “Vilyareal” va “Atletiko” yetib olişi mumkin.

Buning ustiga “Barselona” jarohatlardan aziyat çekişda davom etmoqda. Gavi, Pedri, Rafinyadan taşqari Erik Garsiyaning ham uşbu uçraşuvda qatnaşişi söroq ostida. Olmo, Levandovski kabi futbolçilarning tiklanganiga ham yetarli vaqt ötgan bölsa-da, hali yaxşi sport formasida emas va Flik yana oldinda Reşford – Ferran – Yamal uçligiga suyansa kerak. Mezbonlar tarkibida Radu, Alvares va Ruyedalar öynay olişmaydi.

Har ikki jamoa ham hafta örtasida yevrokuboklarda safar öyinlarini ötkazişdi. Faqat “Barselona” çorşanba oqşomida, “Selta” esa payşanba kuni maydonga tuşdi. “Selta” bu öyinni uyda ötkazişini ham e’tiborga olsak, bu borada imkoniyatlar deyarli teng.

BOŞQA ÖYINLAR

8 noyabr. Union – BAVARIYa (19:30), Hamburg – BORUSSIYa D (19:30), MARSeL – Brest (21:00), ATLeTIKO – Levante (22:30), Parma – MILAN (9 noyabrga ötar keçasi, 00:45), ÇeLSI – Vulverhempton (9 noyabrga ötar keçasi, 01:00)

9 noyabr. ASTON VILLA – Bornmut (19:00), Rayo Valekano – ReAL (20:15), ROMA – Udineze (22:00)