2026 yilda Bo‘stonliqda shamol elektr stansiyasi ishga tushiriladi

Toshkent viloyatining Bo‘stonliq tumanida quvvati 20 megavatt bo‘lgan «Chorvoq shamol elektr stansiyasini qurish» loyihasiga start berilgan.

Loyiha doirasida barpo etilayotgan ushbu shamol elektr stansiyasini 2026 yilda ishga tushirish rejalashtirilgan.

Stansiya to‘liq quvvatda ishlay boshlagach:

• yiliga o‘rtacha 50 mln kVt·soat elektr energiyasi ishlab chiqariladi;
• natijada 15 mln kub metr tabiiy gaz iqtisod qilinadi;
• atmosferaga 22 ming tonna zararli gazlar chiqarilishining oldi olinadi.

Mazkur shamol elektr stansiyasi orqali qariyb 20 ming xonadonni barqaror elektr energiyasi bilan ta’minlash imkoniyati yaratiladi.

Loyiha Bo‘stonliq tumani va butun mintaqada «yashil energiya» ulushini oshirish, ekologik barqarorlikni ta’minlash hamda energiya ta’minoti xavfsizligini mustahkamlashga xizmat qilishi ta’kidlanmoqda.