Тошкентда ўтаётган олий даражадаги Ўзбекистон–Парагвай музокаралари доирасида Кўксарой қароргоҳида Ўзбекистон Республикасининг биринчи хоними Зироат Мирзиёева Парагвай Республикасининг биринчи хоними Летисия Окампос билан учрашув ўтказди.
Очиқ ва самимий руҳда кечган мулоқот чоғида давлат раҳбарларининг рафиқалари мамлакатлар ўртасида дўстлик ва ўзаро англашувни мустаҳкамлаш, маданий ва гуманитар ҳамкорликни кенгайтиришга доир масалаларни муҳокама қилди.
Олий мартабали меҳмонга ўзбек амалий санъати усталарининг ижод намуналари, халқимизнинг миллий анъана ва урф-одатлари намойиш этилди.
