Toshkentda o‘tayotgan oliy darajadagi O‘zbekiston–Paragvay muzokaralari doirasida Ko‘ksaroy qarorgohida O‘zbekiston Respublikasining birinchi xonimi Ziroat Mirziyoyeva Paragvay Respublikasining birinchi xonimi Letisiya Okampos bilan uchrashuv o‘tkazdi.
Ochiq va samimiy ruhda kechgan muloqot chog‘ida davlat rahbarlarining rafiqalari mamlakatlar o‘rtasida do‘stlik va o‘zaro anglashuvni mustahkamlash, madaniy va gumanitar hamkorlikni kengaytirishga doir masalalarni muhokama qildi.
Oliy martabali mehmonga o‘zbek amaliy san’ati ustalarining ijod namunalari, xalqimizning milliy an’ana va urf-odatlari namoyish etildi.
