Yashnobod tumanida YTH oqibatida Cobalt avtomobili yonib ketdi

1 yanvar kuni tungi soat 01:59 da Toshkent shahri Yashnobod tumani, Maxtumquli ko‘chasida 85/1-uy qarshisida ikki avtomobil ishtirokida yo‘l-transport hodisasi sodir bo‘lgan. To‘qnashuv oqibatida Cobalt avtomobilida yong‘in chiqqan.

Ma’lumotlarga ko‘ra, Cobalt avtomobili yonayotgani haqidagi xabar Toshkent shahar FVBBga soat 01:59 da kelib tushgan. Shunga muvofiq, qutqaruv texnikalari hodisa joyiga soat 02:08 da yetib borgan.

Yong‘in soat 02:14 da o‘chirilgan va tezkor harakatlar orqali yong‘inning kengayib ketishiga yo‘l qo‘yilmagan.

Hodisa oqibatida tan jarohati olganlar yo‘qligi qayd etilgan.