Tramp Venesuela vitse-prezidentiga shart qo‘ydi

Agar Venesuela prezidenti Delsi Rodriges Vashingtonning aytganini qiladigan bo‘lsa, bu mamlakatga Amerika harbiylari joylashtirilmaydi. Bu haqda AQSh prezidenti Donald Tramp New York Post gazetasiga bergan intervyusida aytdi.

Muxbir Trampga Venesuelada AQSh qo‘shinlari joylashtirilishi mumkinligi haqida savol berganida "Agar vitse-prezident bizning aytganimizni qilsa, bunga hojat qolmaydi", - deb javob qaytardi AQSh rahbari.

Trampning qo‘shimcha qilishicha, AQSh “u bilan bir necha marta muloqotda bo‘lgan va u vaziyatni tushunadi”. 

Avvalroq o‘tkazilgan matbuot anjumanida Tramp “Hokimiyat xavfsiz, munosib va oqilona tarzda boshqa qo‘lga o‘tguniga qadar AQSh Venesuelani boshqarishi”ni aytgandi.