Qamchiq dovonida qiyin ahvolga tushib qolganlarga yordam ko‘rsatildi

Noqulay ob-havo sharoiti tufayli Qamchiq dovonida qiyinchilikka duch kelgan haydovchi va yo‘lovchilarga FVV qutqaruvchilari tomonidan amaliy yordam ko‘rsatildi.

Foto: FVV

Favqulodda vaziyatlar vazirligi qutqaruvchilari Qamchiq dovonida kuzatilgan noqulay ob-havo sabab yo‘lda qiyin ahvolga tushib qolgan haydovchi va yo‘lovchilarga amaliy yordam ko‘rsatdi.

Shuningdek, FVV va tegishli xizmatlar xodimlari hamkorligida yo‘lda muzlamalar hosil bo‘lishining oldini olish maqsadida qum-tuz aralashmasini sepish ishlari olib borildi.

Dovon bo‘ylab tashkil etilgan isinish maskanlarida yo‘lovchilar uchun zarur qulayliklar yaratildi.