Toshkentda arzonlashtirilgan oziq-ovqat yarmarkalari tashkil etildi

Ramazon oyi munosabati bilan Toshkent shahri tumanlarida arzonlashtirilgan oziq-ovqat mahsulotlari yarmarkalari tashkil etildi. Ushbu yarmarkalar aholini asosiy oziq-ovqat mahsulotlari bilan qulay va maqbul narxlarda ta’minlashga qaratilgan.

Shuningdek, yarmarkalar orqali bozorlarda narxlarning sun’iy ravishda oshirilishining oldini olish ham ko‘zda tutilgan.

Yarmarkalar quyidagi manzillarda tashkil etilgan:

• Yashnobod tumani — «Aviasozlar» dehqon bozori;
• Yakkasaroy tumani — «Askiya» dehqon bozori;
• Chilonzor tumani — Chilonzor dehqon bozori;
• Mirobod tumani — Mirobod dehqon bozori;
• Mirzo Ulug‘bek tumani — «Navro‘z» dehqon bozori;
• Yunusobod tumani — «Oloy» dehqon bozori va Yunusobod dehqon bozori;
• Sergeli tumani — Sergeli dehqon bozori;
• Uchtepa tumani — «Farhod» dehqon bozori;
• Shayxontohur tumani — «Eski Juva» dehqon bozori;
• Bektemir tumani — «Qo‘yliq» dehqon bozori;
• Olmazor tumani — «Qoraqamish» dehqon bozori.

Ma’lum qilinishicha, yarmarkalar Ramazon oyi davomida aholini oziq-ovqat mahsulotlari bilan barqaror ta’minlashga xizmat qiladi.