Dunyodagi eng obro‘li davlatlar - 2026 yil ro‘yxati

Yangi xarita uchun ma’lumotlar Brand Finance’ning Global Soft Power Index 2026 reytingiga asoslangan. Indeks mamlakatlarni dunyoda ular qay darajada ijobiy qabul qilinishiga ko‘ra baholaydi — bu global so‘rovlar hamda jamoatchilik qabul qilishini o‘lchaydigan boshqa ko‘rsatkichlar asosida amalga oshiriladi.

Global Soft Power Index 2026 reytingida AQSh 74,9 ball natija bilan birinchi o‘rinni egallagan — u ikkinchi o‘rindagi Xitoydan atigi 1,4 ballga oldinda.

AQShning yetakchiligi uning yuqori darajada tanilishi va ko‘ngilochar industriyasi, texnologiyalar, ta’lim hamda xalqaro yetakchilik kabi sohalardagi katta ko‘lamli ta’siri bilan izohlanadi.

Yevropa mamlakatlari — Buyuk Britaniya (69,2), Germaniya (67,7), Fransiya (65,8), Rossiya (58,7) — so‘nggi yillarda ko‘rsatkichlari biroz pasayganiga qaramay, sezilarli ta’sirini saqlab qolmoqda. Shveytsariya (63,2) va Kanada (63,2) ham yuqori baho olgan, bu esa ularning barqaror davlatlar sifatidagi obro‘si, hayot sifati yuqoriligi va samarali boshqaruviga doir tasavvurlarni aks ettiradi.

Eng yuqori o‘rinlardan tashqarida reyting «yumshoq kuch» ko‘rsatkichlarining juda turlicha ekanini namoyish qiladi.

O‘rta pozitsiyalardagi mamlakatlar — masalan, Hindiston (48,0) va Braziliya (49,2) salmoqli madaniy va mintaqaviy ta’sirga ega, holbuki kichik davlatlar va rivojlanayotgan bozorlar ro‘yxatning quyi qismida nisbatan turfa va noteng natijalarni ko‘rsatadi.

Ushbu reytingga ko‘ra, zamonaviy dunyoda ta’sir faqat iqtisodiy yoki harbiy qudrat bilan emas, balki jozibali imij yaratish, ishonch uyg‘otish va xalqaro maydonda kun tartibini belgilay olish qobiliyati bilan ham belgilanadi.