HUMO integratsiyani kengaytiradi: endi AloqaBank mijozlari Zoomrad ilovasi orqali Alipay+ dan foydalanishlari mumkin

Chet elga safar ko‘pincha chipta sotib olishdan emas, xavotirli o‘y-fikrlardan boshlanadi: valutani qayerda almashtiraman, karta o‘tarmikan, qancha naqd pul olish kerak? Bu masala ayniqsa Osiyo yo‘nalishlarida, jumladan, viza rejimi bekor qilingandan keyin O‘zbekistondan amaliy, sayyohlik va ta’lim safarlari oqimi ortgan Xitoyda dolzarbdir. Mana shu sharoitda HUMO chet elda qulay va xavfsiz to‘lov usullarini rivojlantirishga ustuvorlik berdi.

2025 yilda HUMO Alipay+ xalqaro to‘lov platformasiga ulandi. Bu O‘zbekiston banklariga savdo nuqtalari va raqamli to‘lovlarning keng global tarmog‘iga ulanishda HUMO infratuzilmasidan foydalanish imkonini berdi. Bu imkoniyatdan birinchilardan bo‘lib AloqaBank foydalandi – u 2026 yil mart oyida o‘z mobil ilovasiga Alipay+ orqali to‘lash funksiyasini kiritdi. Natijada HUMO kartasi qulay to‘lov vositasiga aylandi, uning sohiblari esa, Xitoyda va dunyoning 50 dan ziyod mamlakatlarida QR-kod orqali to‘lov qila oladigan bo‘ldi.

Bu qanday ishlaydi?

Bugunga kelib O‘zbekistondagi foydalanuvchilar aksariyat xizmatlar va xaridlar haqini smartfon orqali to‘lashga o‘rganib qolgan. Zoomrad’dan yangi servis ushbu odatiy to‘lov shaklini chet elga safarda ham saqlab qolish va ortiqcha tashvishlar hamda moliyaviy cheklovlarsiz to‘lov qilish imkonini beradi.

To‘lov uchun smartfon va odatiy Zoomrad ilovasining o‘zi kifoya. Chet eldagi – birinchi navbatda QR-to‘lovlar standartga aylangan Xitoydagi savdo nuqtalarida – xaridorning bank mobil ilovasini ochishi va sotuvchining QR-kodini skanerlashi yetarli bo‘ladi.

Zoomrad ilovasida kerakli funksiyani topish oson:

1. Zoomrad ilovasini oching

2. Bosh sahifada “Alipay+ orqali to‘lov” funksional banneriga bosing

3. Savdo nuqtalarida QR-kodni skanerlab yoki o‘z QR-kodingizni ko‘rsatish orqali to‘lov qiling.

Hammasi juda oson va tez amalga oshadi.

Mablag‘ ilovaga biriktirilgan HUMO kartasidan yechiladi va mahalliy valutaga belgilangan shartlar asosida avtomatik konvertatsiyalanadi. Foydalanuvchi amaliyotni real vaqt rejimida kuzatib turadi va safar davomida o‘z xarajatlarini nazorat qila oladi.

Xavfsizlik va xalqaro infratuzilma

Alipay+ — butun dunyo bo‘ylab millionlab savdo nuqtalarini birlashtiruvchi xalqaro to‘lov platformasi. U bilan integratsiya O‘zbekiston banklarining mijozlari uchun raqamli hisob-kitoblar imkoniyatini kengaytiradi. Sayyohlardagi eng katta xavotirlardan biri – pul o‘g‘irlanishi yoki hamyonni yo‘qotish. Notanish mamlakatda pulni qayerdan yechish va qayerda ayirboshlash mumkinligini bilmay, yashash uchun mablag‘siz qolish – qanchalik noxush holat. Smartfondan foydalanish naqd pul bilan bog‘liq xavotirni kamaytiradi, zero pul hisobvaraqda saqlanadi va bank tomonidan ishonchli himoyalanadi.

To‘lov paytida kartani sotuvchiga berish yoki pin-kodni aytish shart emas, sayyohning o‘zi jarayonni nazorat qiladi, tranzaksiyalar esa himoyalangan kanallar orqali o‘tadi. Bu naqd puldan foydalanish yoki chet qurilmalarda ma’lumotlarni kiritish bilan bog‘liq xatarlarni qisqartiradi.

HUMO bilan sayohat uchun kengroq imkoniyatlar

Yangi servis mobil to‘lovlardan faol foydalanuvchilar: qaysi mamlakat bo‘lmasin, odatiy qulaylik darajasi va moliyaviy nazoratni saqlab qolishni muhim sanaydigan sayyohlar, tadbirkorlar, talabalar va yosh mutaxassislarga mo‘ljallangan. Bugungi kunda AliPay+ orqali to‘lov 50 dan ziyod mamlakatlarda, jumladan, Xitoy, Qozog‘iston, Turkiya, AQSh, Tailand, Yevropa mamlakatlari kabi o‘zbekistonliklar ko‘p qatnaydigan yo‘nalishlarda qabul qilinmoqda. O‘z tomonidan, HUMO faoliyat geografiyasini muntazam kengaytirib, ilovani yangi mamlakatlar bilan integratsiyalamoqda va foydalanuvchilariga yangi imkoniyatlarni taklif etmoqda.

HUMO to‘g‘risida

HUMO — 2019 yilda naqdsiz hisob-kitoblar infratuzilmasini rivojlantirish uchun tashkil etilgan O‘zbekiston milliy to‘lov tizimi. Tizim operatori – “Milliy banklararo protsessing markazi” (MBPM) AJ. Bugungi kunda HUMO mamlakat moliya bozorining muhim qatnashchisiga aylanib, biznes va aholi uchun zamonaviy hamda ishonchli to‘lov ekotizimini shakllantirmoqda.

Tizim bank kartalariga xizmat ko‘rsatishning to‘liq siklini, jumladan, ularni chiqarishni, bankomatlar va POS-terminallarda amaliyotlar protsessingini, shuningdek, kontaksiz va raqamli to‘lov usullarinining tatbiq etilishini ta’minlaydi. HUMO respublika ichida tranzaksiyalar xavfsizligini oshirishga va to‘lov infratuzilmasining barqarorligiga qaratilgan texnologik yechimlarni faol rivojlantiradi.

Xalqaro yo‘nalishda HUMO hamkorlik va o‘zaro ekvayring orqali milliy kartalardan foydalanish chegaralarini kengaytirmoqda. UnionPay International kabi yirik xalqaro tizimlar bilan kobeyjing loyihalarining amalga oshirilishi tufayli, HUMO foydalanuvchilari O‘zbekistondan tashqarida ham hisob-kitoblarni amalga oshirish imkoniga ega bo‘ladi.

Zoomrad ilovasi to‘g‘risida

Zoomrad — O‘zbekiston Respublikasi AloqaBank aksiyadorlik-tijorat bankining mobil ilovasi. Uning yordamida bank va nobank xizmatlaridan qulay va tezkor foydalanish mumkin.

Zoomrad orqali quyidagi imkoniyatlarga ega bo‘lasiz:

• istalgan kartalar o‘rtasida pul o‘tkazish

• turli xizmatlar haqini to‘lash

• depozitlar ochish va mikroqarzlar rasmiylashtirish

• metro va avtobusda yo‘l haqini to‘lash

• Alipay+ orali to‘lovdan foydalanish.

Zoomrad — bu moliyaviy va kundalik servislarni bitta ilovada jamlagan qulay va xavfsiz ekotizimdir.

 Sayt | Instagram | Facebook | Telegram | Linkedin