CAEx koʻrgazmalar zalida “Silk Road Finance & Technology Forum - 2026” oʻtkazilmoqda. Unda 60 ga yaqin davlatdan banklar, toʻlov tizimlari, fintex kompaniyalari va texnologik biznes vakillari jamlangan. Forumda transchegaraviy toʻlovlardan tortib sunʼiy intellekt, tokenizatsiya va kiberxavfsizlikkacha boʻlgan masalalar koʻrib chiqilyapti.
Tadbir doirasida Oʻzbekistonda toʻlov xizmatlarining yangi shakllari namoyish qilindi. Xususan, HUMO kompaniyasi toʻlov uzugini taqdim etdi. U orqali xarid uchun bank kartasi yoki smartfondan foydalanishga hojat yoʻq: uzukni kontaktsiz toʻlov terminaliga yaqinlashtirishning oʻzi kifoya.
“Yaqinda ushbu mahsulotni bozorga chiqardik. Hozirda HUMO’ning maxsus sahifasi orqali toʻlov uzugiga oldindan buyurtma berish mumkin. Qisqa vaqt ichida Toshkentda uzuklarni olish imkoniyati mavjud maxsus nuqta ham ishga tushiriladi. Bu Oʻzbekiston uchun yangi va noodatiy toʻlov usullaridan biri. Mazkur texnologiya hali koʻplab mamlakatlarda mavjud emas”, – deydi HUMO milliy toʻlov tizimi Boshqaruv raisi Aleksandr Sotnikov.
Mutaxassislarning taʼkidlashicha, bunday texnologiyalarning ommalashuvi kelgusida plastik karta yoki smartfonga bogʻliqlik kamayib, taqiladigan qurilmalar orqali toʻlovlar ulushini oshirishi mumkin.
Forumning dastlabki kunida HUMO va Gorgona AI kompaniyasi oʻrtasida toʻlov xizmatlarida sunʼiy intellektdan foydalanish boʻyicha hamkorlik memorandumi imzolandi. Uning asosiy missiyalaridan biri “agent toʻlovlari” tizimini ishlab chiqishdir.
Maʼlum qilinishicha, ushbu konsepsiya doirasida sunʼiy intellekt agentiga foydalanuvchi nomidan muayyan moliyaviy operatsiyalarni amalga oshirish uchun ruxsat beriladi.
“Mazkur yoʻnalishdagi eng muhim masalalardan biri sunʼiy intellektga beriladigan vakolatlarni aniq belgilash hisoblanadi. Foydalanuvchi agentga maʼlum topshiriqni yuklaydi, tizim esa ana shu doirada harakat qiladi. Shu sababli, tranzaksiyalar xavfsizligi, foydalanuvchi nazorati va belgilangan limitlarga rioya qilish texnologiyani joriy etishdagi asosiy talablar boʻladi. Hozir biz ushbu mexanizmlarni ishlab chiqish va xavfsiz sinovdan oʻtkazish ustida faoliyat yurityapmiz. Maqsadimiz toʻlov jarayonini foydalanuvchi uchun yanada sodda va qulay qilishdan iborat
