Saida Mirziyoyeva Mar-a-Lagoda Serjio Gor bilan uchrashdi

Prezident administratsiyasi rahbari Saida Mirziyoyeva AQSh prezidentining Janubiy va Markaziy Osiyo bo‘yicha maxsus vakili, elchi Serjio Gor bilan Mar-a-Lagoda uchrashuv o‘tkazganini ma’lum qildi. U samimiy mehmondo‘stlik va iliq qabul uchun minnatdorlik bildirib, muloqotni mazmunli va konstruktiv deb baholadi.

Foto: Telegram / Saida Mirziyoyeva

Saida Mirziyoyevaning ta’kidlashicha, uchrashuv Mar-a-Lagoda bo‘lib o‘tgan. Unda tomonlar o‘zaro muloqotni davom ettirish va istiqboldagi hamkorlik masalalarini muhokama qilgan.

Uchrashuvda AQSh prezidenti Donald Trampning kenja qizi Tifani Tramp va uning turmush o‘rtog‘i Maykl Bulos ham ishtirok etdi.

Saida Mirziyoyeva samimiy qabul va mehmondo‘stlik uchun chin dildan minnatdorligini bildirgan. Shuningdek, bo‘lib o‘tgan suhbatni mazmunli va konstruktiv muloqot sifatida yuqori baholagan.

Saida Mirziyoyeva yaqin kunlarda Vashingtonda ham samarali uchrashuvlar o‘tkazilishiga umid bildirgan.

Mar-a-Lagodagi uchrashuv va Vashingtondagi ehtimoliy muloqotlar O‘zbekiston va AQSh o‘rtasidagi aloqalarni yanada faollashtirish nuqtai nazaridan ahamiyatli ekani qayd etilmoqda. Bu kabi uchrashuvlar ikki tomonlama munosabatlarda siyosiy va diplomatik muloqotni mustahkamlashga xizmat qiladi.