«Do‘stlik – abadiy, dushmanlik – hech qachon» - Tojikiston va Xitoy o‘rtasida hamkorlik shartnomasi imzolandi

Pekin shahrida bo‘lib o‘tgan oliy darajadagi Tojikiston-Xitoy muzokaralari yakunida, 13 may kuni Tojikiston prezidenti Emomali Rahmon va Xitoy raisi Si Jinping yangi davrda har tomonlama hamkorlik va strategik sheriklik munosabatlarini chuqurlashtirish to‘g‘risidagi qo‘shma bayonotni hamda Tojikiston va Xitoy o‘rtasida abadiy do‘stlik, yaxshi qo‘shnichilik va hamkorlik to‘g‘risidagi shartnomani imzoladi.

Ikki davlat rahbarlari Shartnomaning bosh shiori «Do‘stlik – abadiy, dushmanlik – hech qachon», ekanini ta’kidladilar.

Muzokaralar tor va kengaytirilgan tarkibda bo‘lib o‘tdi. Ikki davlat rahbarlari strategik sheriklikni mustahkamlash, iqtisodiy hamkorlik va mintaqaviy xavfsizlik masalalarini muhokama qildi.

XXR Raisi Si Jinping Emomali Rahmonni qutlar ekan, mamlakatlar o‘rtasidagi munosabatlarning o‘ziga xos xususiyatini va Tojikiston prezidentining ularni rivojlantirishga qo‘shgan shaxsiy hissasini ta’kidladi.

Xitoy rahbari, shuningdek, Emomali Rahmonga Pekin universitetining faxriy professori unvoni berilgani Xitoy xalqining chuqur hurmati ramzi ekanini ta’kidladi.

Emomali Rahmon Xitoy tomoniga samimiy qabul uchun minnatdorlik bildirib, bugungi kunda Xitoy Tojikistonning yetakchi tashqi iqtisodiy hamkori ekanini ta’kidladi. Respublikada Xitoy kapitali ishtirokidagi 700 dan ortiq korxona faoliyat yuritmoqda.

«Bu jarayon samimiy do‘stlik va yaxshi qo‘shnichilik rishtalari bilan chambarchas bog‘langan xalqlarimizning tub manfaatlariga mos keladi», dedi Emomali Rahmon.