Alifbo dunyo mamlakatlaridagi eng keng tarqalgan yozuv şakllaridan biri hisoblanadi. Infografika mualliflari alifbo atamasini tor ma’noda — undoş va unli tovuşlarga asoslangan yozuv sifatida qöllaşni taklif etmoqda. Bunday yozuv tizimida grafik belgilar — harflar alohida fonemalarni, ya’ni tovuşlarni ifodalaydi. Alifboda ham unli, ham undoş tovuşlardan foydalaniladi.
Bunday undoş-unli yozuvlarga kirill, lotin, arman va yunon yozuvlari kiradi. Şuningdek, koreys yozuvi — xangil ham alifbo turiga mansub.
Faqat undoş tovuşlarga asoslangan yozuvlar ham keng ma’nodagi alifbo hisoblanadi. Bunday tizimlar abjad deb ataladi. Ularda asosan undoş tovuşlar ifodalanadi. Zamonaviy tillar orasida arab va ivrit yozuvlari qisman undoş yozuvlar hisoblanadi. Masalan, ivritda unli tovuşlar maxsus belgilar orqali körsatiladi, ammo bu belgilar odatda matnlarda qöllanmaydi. Ular asosan luğatlar va darsliklarda saqlanib qoladi.
Abugida — böğinli yozuvning bir turi hisoblanadi. Bu tizimda har bir belgi muayyan undoş va unga birikkan standart unli tovuşni anglatadi. Qöşimça belgi yordamida unli tovuş özgartirilişi mumkin. Bunday yozuvlarga hindlarning braxmi yozuvi, efiop yozuvi va kanada böğinli yozuvi kiradi.
Xitoyda qöllanadigan iyerogliflar esa logografik yozuv turiga mansub. Har bir iyeroglif nafaqat talaffuzga, balki mustaqil ma’noga ham ega. Bu tizim Xitoydan taşqari Yaponiyada ham qöllanadi. Yapon yozuv tizimlaridan biri bölgan kandzi aynan logografik yozuv hisoblanadi.
Şu bilan birga, yaponlar xiragana va katakana deb ataluvçi böğinli alifbolardan ham foydalanadi. Soddalaştirib aytganda, kandzi asosiy ma’no bloklarini ifodalaş uçun, xiragana grammatika va yordamçi sözlar uçun, katakana esa özlaşma sözlar uçun işlatiladi.
