Germaniya prezidenti O‘zbekistonga keladi

Tashrif davomida O‘zbekiston va Germaniya o‘rtasidagi mehnat migratsiyasi mavzusi muhokama qilinishi kutilmoqda.

Foto: REUTERS

Germaniya prezidenti Frank-Valter Shtaynmayyer Osiyo bo‘ylab safari doirasida O‘zbekistonga tashrif buyuradi.

Xabar qilinishicha, u 5 kunlik safari davomida Indoneziya, Filippin va O‘zbekistonda bo‘lishi rejalashtirilgan. Shtaynmayyerga turmush o‘rtog‘i hamda biznes delegatsiyasi hamrohlik qiladi.

Frank-Valter Shtaynmayyer Toshkentda Germaniyaning GP Günter Papenburg qurilish kompaniyasi filialini ko‘zdan kechiradi.

Shuningdek, tashrif davomida malakali mehnat migratsiyasi mavzusi muhokama qilinishi kutilmoqda.

Germaniya prezidenti ma’muriyati ma’lumotiga ko‘ra, O‘zbekistonda Osiyodagi boshqa har qanday mamlakatga qaraganda ko‘proq odam nemis tilini o‘rganmoqda.