Yangi qoidalar O‘zbekistonda havo harakatiga xizmat ko‘rsatish tartibini belgilaydi. Hujjat havo harakatini boshqarish, parvozlar xavfsizligini ta’minlash, dispetcherlik xizmati, parvozlar haqida ma’lumot berish, avariyalar haqida xabar qilish hamda havo harakatiga konsultativ xizmat ko‘rsatish kabi yo‘nalishlarni qamrab oladi.
Qoidalarda havo harakatiga xizmat ko‘rsatish tizimida qo‘llanadigan asosiy tushunchalar, havo hududini tashkil etish, dispetcherlik xizmatlari, parvozlarni boshqarish, aerodromlar faoliyati hamda xavfsizlik talablari batafsil belgilangan.
Shuningdek, havo harakatiga xizmat ko‘rsatishda xalqaro aviatsiya standartlari va zamonaviy yondashuvlarni joriy etishga alohida e’tibor qaratilgan.
Buyruq bilan mazkur sohani tartibga soluvchi ayrim idoraviy normativ-huquqiy hujjatlar o‘z kuchini yo‘qotgan deb topildi.
