24-avgustdan boshlab ChatGPT chat-boti Yevropaning 31 mamlakatida, jumladan, Germaniya, Fransiya, Ispaniya, Italiya, Shvetsiya, Norvegiya, Daniya, Niderlandiya va Avstriyada reklama namoyish eta boshladi.
Reklama chat-bot javobining tagida Sponsored yozuvi tushirilgan alohida kartochka koʻrinishida boʻladi. Kompaniya bu yangilik haqida 18-avgust kuni eʼlon qilgan edi.
Chat-bot ishlab chiqaruvchisi boʻlgan OpenAI kompaniyasi ChatGPT Ads dasturini 2026-yil fevral oyida AQSH hududida ishga tushirgandi. Keyin bir necha oy davomida dastur yana sakkizta mamlakatga tatbiq etildi: Avstraliya, Braziliya, Buyuk Britaniya, Kanada, Meksika, Yangi Zelandiya, Janubiy Koreya va Yaponiya.
Pulli tarif rejalaridan foydalanuvchilarga reklama koʻrsatilmaydi. Bepul (Free) va arzon (Go) tarif rejalarida esa reklama dastur qoʻllab-quvvatlanadigan mamlakatlarda paydo boʻlishi mumkin.
