Shuningdek, bozor atrofida bir nechta oʻt oʻchirish mashinalari va tez yordam mashinasi koʻzga tashlangan.
FVVning Kun.uz'ga maʼlum qilishicha, 30-avgust kuni soat 05:18 da Olmaliq shahar «Hamza» MFY, hududida joylashgan «Oydin dehqon bozori» da yongʻin sodir boʻlayotgani toʻgʻrisida Toshkent viloyati FVBga xabar kelib tushgan.
«Xabarga asosan, yongʻin-qutqaruv boʻlinmalari zudlik bilan voqea joyiga yetib borib, yongʻin qurshab olingan va soat 07:12 da oʻchirilgan», deyiladi xabarda.
Vazirlik, hodisa oqibatida tan jarohati olganlar haqida maʼlumot kelib tushmaganini bildirdi. Hozirda yongʻin sababi va zarari aniqlanmoqda.
