Perseverance marsoxodi Marsni tadqiq etayotganiga besh yildan oshdi. NASA muntazam ravishda apparat tomonidan olingan qayta ishlanmagan yangi tasvirlarni jamoatchilikka taqdim etib kelmoqda.
Perseverance 2020-yil iyul oyida Marsga uchirilgan va 2021-yil 18-fevralda sayyora sirtiga muvaffaqiyatli qoʻngan. Shundan buyon marsoxod Qizil sayyorani oʻrganib, qadimda u yerda mikrob koʻrinishidagi hayot mavjud boʻlgan boʻlishi mumkinligini koʻrsatuvchi izlarni qidirmoqda.
Shu bilan birga, apparat Mars sirti, togʻ jinslari va atrof-muhitga oid koʻplab tasvirlarni Yerga yuborib kelmoqda.
Perseveranceʼning oʻziga jami 19 ta kamera oʻrnatilgan. Mars 2020 missiyasi doirasida Marsga yetkazilgan Ingenuity vertolyotida esa yana ikkita kamera boʻlgan. Umuman, Mars 2020 missiyasi 25 ta kamera bilan jihozlangan.
Missiya davomida marsoxod va vertolyot tomonidan jami bir milliondan ortiq surat olingan. NASA ushbu tasvirlarning yangi qismlarini muntazam ravishda eʼlon qilib boradi.
Marsoxod kameralariga Marsning turli manzaralari, sayyora sirtidagi tosh va togʻ jinslari tushadi. Ayrim kadrlarda Perseveranceʼning ilmiy tadqiqotlar olib borishi va turli vazifalarni bajarish jarayoni ham aks etadi.
2026-yil sentabr oyida olingan yangi tasvirlar ham Mars sirtining oʻziga xos tuzilishi va Qizil sayyora landshaftini yaqindan koʻrish imkonini beradi.
