Shaxmat boʻyicha Oʻzbekistonning birinchi erkaklar jamoasi Samarqanddagi 46-shaxmat olimpiadasida birinchi oʻrinni qoʻlga kiritdi.
Soʻnggi 11-turda Ukrainaga qarshi oʻyin yakunlanmasdan chempionlik kafolatlandi, chunki jamoaning chempionlik kurashidagi asosiy raqibi boʻlgan Hindiston Vengriya bilan durang oʻynab qoʻydi va Oʻzbekiston birinchi oʻrinni oʻzida saqlab qoladigan boʻldi.
Oʻzbekiston – Ukraina 2,5:1,5
Nodirbek Abdusattorov (2762) – Igor Kovalenko (2642) 0,5:0,5
Javohir Sindarov (2778) – Vasiliy Ivanchuk (2630) 0,5:0,5
Nodirbek Yoqubboyev (2685) – Igor Samunenkov (2608) 0,5:0,5
Muhiddin Madaminov (2611) – Roman Dextyaryov (2508) 1:0
Shu tariqa, Oʻzbekiston 11 turda 22 imkoniyatdan 20 ochko jamgʻardi va birinchi oʻrinni egalladi. Hindiston (18) ikkinchi, Germaniya (18) uchinchi boʻldi.
Nodirbek Abdusattorov, Javohir Sindarov, Nodirbek Yoqubboyev, Shamsiddin Vohidov va Muhiddin Madaminovdan iborat boʻlgan jamoa turnir boshidan buyon gʻoliblik uchun asosiy daʼvogar boʻlib turgandi.
Oʻzbekiston musobaqaning dastlabki 7 turida 100 foizlik natija qayd etdi. Bu oraliqda Hindiston (2,5:1,5) va Xitoy jamoalari (3:1) magʻlub etildi. 8-turda Germaniya gʻalabali seriyani toʻxtatdi, ammo Rustam Qosimjonov sardorligidagi jamoa darhol oʻziga keldi: 9-turda turnirning birinchi raqamli saralangan jamoasi hisoblangan AQSH magʻlub etildi, 10-turda esa Armaniston ham taslim etildi.
Barcha natijalar
1-tur. Oʻzbekiston – Yamayka 4:0
2-tur. Oʻzbekiston – Peru 3,5:0,5
3-tur. Oʻzbekiston – Avstriya 3:1
4-tur. Oʻzbekiston – Turkiya 2,5:1,5
5-tur. Oʻzbekiston – Vengriya - 4:0
6-tur. Oʻzbekiston – Hindiston 2,5:1,5
7-tur. Oʻzbekiston – Xitoy 3:1
