19-oktabr kuni Samarqandda “Markaziy Osiyo – AQSH” mintaqaviy muloqoti doirasida besh respublikaning tashqi ishlar vazirlari Oʻzbekistonga kelgan. Tadbir avvalidan vazirlar birgalikda fotosuratga tushishdi. Ishtirokchilar qatorida AQSH prezidentining Markaziy va Janubiy Osiyo boʻyicha maxsus vakili, AQShning Hindistondagi elchisi Serjio Gor ham bor.
Sammitda soʻzga chiqqan AQSH davlat kotibiga koʻra, “C5+1” Amerikaning mintaqaga sadoqatini anglatadi.
“Biz Qoʻshma Shtatlar, muhim sanoatimizni va ularni qoʻllab-quvvatlaydigan taʼminot zanjirlarini himoya qilishga intilamiz, toki biz suveren va mustaqil davlat hamda iqtisod boʻla olaylik va hech qachon xavfli xorijiy hamkorlarga yoki hatto raqiblarga tayanib qolmasligimiz lozim”, deydi Rubio.
Va bu forum, C5+1, nafaqat Amerikaning qiziqishini, balki Markaziy Osiyo mamlakatlari bilan yaqinroq, tinch munosabatlarni rivojlantirishga boʻlgan Amerikaning sadoqatini ifodalaydi, deya qoʻshimcha qildi davlat kotibi.
“Birgalikda, biz oʻz mamlakatlarimiz uchun resurslar, investitsiya imkoniyatlari va savdo hamkorliklarini taʼminlashimiz mumkin, toki har birimiz suveren davlatlar boʻlib qolamiz va jamoaviy farovonligimizni birgalikda oshiramiz. Oʻtgan yili Oq uyda boʻlib oʻtgan sammit transport, energetika va moliya sektorlarimiz uchun jami 25 mlrd dollarlik bitimlarga zamin yaratgandi”, deya soʻzini davom ettirdi Marko Rubio.
