10-oktabr kuni Ar-Riyod xalqaro aeroportiga husiychilar uyushtirgan hujum oqibatida kamida 12 kishi halok boʻldi va yuzlab insonlar jarohatlandi. Bu holat Eron tomonidan qoʻllab-quvvatlanadigan husiychilar va Saudiya boshchiligidagi koalitsiya oʻrtasida harbiy harakatlar kuchayayotgan bir paytda yuz berdi.
Saudiya Arabistoni fuqaro aviatsiyasi maʼmuriyatining maʼlum qilishicha, halok boʻlganlar orasida toʻrt nafar Saudiya Arabistoni fuqarosi, ikki nafar Bangladesh fuqarosi bor. Shuningdek AQSH, Iordaniya, Falastin, Suriya, Sudan va Misrdan bir nafardan fuqaro halok boʻlgan. Soʻnggi maʼlumotlariga koʻra, jami 309 kishi jarohatlangan.
Holatdan xabardor shaxslarning Reuters'ga aytishicha, shifoxonalar tez yordam mashinalari va vertolyotlarda keltirilgan yaradorlar bilan toʻlib ketgan. Ularning ayrimlari ogʻir ahvolda.
Shanba kuni Ar-Riyoddagi barcha reyslar boshqa yoʻnalishlarga burib yuborildi va qariyb 8 million aholiga ega shaharga xizmat koʻrsatuvchi aeroport faoliyati vaqtincha toʻxtatildi.
Husiychilar media ofisi rahbari hujumdan soʻng ular "Ar-Riyod xalqaro aeroportini yopib qoʻyganini" aytdi. Dushanba kuni husiychilar yoʻlovchi samolyotlari Saudiya Arabistoni havo hududini aylanib oʻtishlari kerakligini aytib, ushbu hududni harbiy operatsiyalar zonasi deb eʼlon qilgandi.
Guvohlarning soʻzlari
Ushbu zarbalar podshohlikda oʻn yildan ortiq vaqt ichida eng koʻp qurbonlar berilgan hujum boʻldi va ogohlantirishsiz yuz berdi. Xususan, Saudiya Arabistonining xavf haqida ogohlantirish tizimi ishga tushmadi. Shu hafta Qirol Xolid xalqaro aeroportiga qilingan oldingi ikkita hujum oqibatida toʻrt kishi halok boʻlgan
