“Qanotli” sözlari bilan maşhurlikka erişgan mansabdorlar

“Beş nafar farzandi bor va bitta oylik maoşi bilan yaşayotgan bölsa, 2,5 million oylik olsa, bemalol [yetadi] uyidagi beş nafar farzandi bilan... Buni iqtisodçilar hisoblab çiqqan”, – bu Uluğbek Inoyatovning sözlari.

Sobiq xalq ta'limi vaziri keyinçalik bu sözlari bilan faqat oziq-ovqat xaridini nazarda tutayotganini bildirgan.

Erkinjon Turdimov, Samarqand viloyati hokimi — “Oqsoç ayollarga talab ortib bormoqda, xotin-qizlarni şu kasbga örgatişimiz kerak”

“Bugungi kunda xorijda ham, özimizda ham uy işlarini qiluvçi oqsoçlik kasbiga talab ortib bormoqda. Samarqand viloyatidan ham juda köpçilik ayollar çet davlatlarda, xususan Turkiyada uy işlarini bajarişadi. Ammo bunday ayollarni tayyorlaydigan markazlar yöq. Ana şunday markazlarni oçişni taklif qilaman...” – bu Samarqand viloyati hokimining davlat rahbari iştirokidagi selektorda aytgan gaplari.

Keyinçalik Erkinjon Turdimov öz sözlariga “Bu sohada tartib örnatiş, uy xizmatçilarining huquqini himoya qiliş millatimizning şa'nini tuşirmaydi, aksinça yuksaltiradi. Ularni öqitadigan markazlarni oçişning yomon tomoni yöq”, – deya izoh bergan.

Şuhrat Ğaniyev, Farğona viloyatining sobiq hokimi, ayni paytda boş vazir örinbosari — sökilgan toşloqliklar, römol va salla mavzusi, blogerga öqiladigan janoza

Hamişa diqqat markazida yuriş böyiça öziga xos lider, qattiqqöl, lekin oğzi tizginsiz rahbar. Şuhrat Ğaniyev Farğona viloyatiga hokimligida ijtimoiy tarmoqlarning doimiy qahramoni edi.

Toşloqliklarni yoppasiga haqoratlagan, poytaxtdan borgan amaldorlarning içak-çavoqlarini boşlariga salla qilib qöyiş bilan tahdid qilgan, Riştonda minglab odamlarni haşarga majburlagan va eng ta'sirlisi – römol öraganlarga çora körişini aytgan Şuhrat Ğaniyev özini Farğonaning yakkahokimi deb bilardi.

Ammo kötarilib, boş vazir örinbosari lavozimiga tayinlanganidan keyin ança bosilib qoldi, çamasi.

Erali Bozorov, IIV Yöl harakati xavfsizligi boş boşqarmasi boşliğining örinbosari — pul tölamay tonirovka qilganlar haqida

“Biz bilmaymiz-ku, oynasini ruxsatnoma olmasdan qoraytirib olgan haydovçi qayerda nima iş qilib yuribdi. Köpçilikning maqsadi boşqa bölişi mumkin”, – bu Yöl harakati Boş boşqarmasi boşliğining örinbosari Erali Bozorovning sözlari.

Erali Bozorov tizim maqsadi oynalarni qonunga xilof ravişda qoraytirişning oldini oliş ekanini bildirgan. Lekin bepul tonirovka qilib yurganlar potensial jinoyatçilar bölişlari mumkinligini pisanda qilgan IIV vakili pul tölab tonirovka qildirganlar qanday qilib ezgu maqsadlarga ergaşa boşlaşlarini tuşuntirmagan.

Jahongir Ortiqxöjayev, poytaxt hokimi — “Lyubaya biznes xorosha”

Özi ham asli biznes vakili bölgan Toşkent şahri hokimi Jahongir Ortiqxöjayev intervyusida aytgan “Lyubaya biznes xorosha” jumlasi juda keng tarqalib ketdi. Odamlar pul topiş yölidagi harakatlarini şu sözlar bilan ifodalay boşlaşdi.

Qiziği, hokimning bu sözlaridan ilhomlangan şovvozlar rasman “LYUBAYA BIZNES XOROSHA” nomli mas'uliyati çeklangan jamiyatni davlat röyxatidan ötkazdi. Ammo oradan köp ötmay bu firma mansabdor şaxslariga nisbatan jinoyat işi qözğatilgani hamma bizneslar ham yaxşi bölavermasligini körsatib qöydi.

Obid Hakimov, Iqtisodiy tadqiqotlar va islohotlar markazi direktori — “Bir kunda 5600 söm işlab topgan odam kambağal emas”

Prezident Administratsiyasi huzuridagi Iqtisodiy tadqiqotlar va islohotlar markazi direktori Obid Hakimovning Kun.uz'ga bergan intervyusidagi “xalqaro taşkilotlar hisob-kitoblariga asoslansak, Özbekistonda 5600 söm mablağ işlab topgan odam kambağal emas” degan jumlasi tarqaliş jihatdan yuqoridagilarning hammasini ortda qoldirdi, desak mubolağa bölmas.

Keyinçalik iqtisodçi bunday deyişi sababi haqida qöşimça izohlar, intervyular berdi, hatto alohida matbuot anjumani ham ötkazdi. Ammo baribir öşa “5600 puli bor odam kambağal emas” degan jumla hanuz qanot qoqib yuradi.

«Bu global kambağallik körsatkiçi. Buni Özbekistonda amal qiladi, deb heç kim aytgani yöq» – Obid Hakimov

Buning ijobiy jihati – odamlar Özbekistonda mana şunday institut faoliyat yuritişi va uning şunday rahbari borligini bilib oldilar.

Bunday maşhur jumlalar mualliflarini öz işiga noloyiq rahbar deb bölmaydi. Şunçaki, ular öz sözlari qanday aks-sado berişini, bu qadar “maşhurlik” qozonişini oldindan bilmaganlar.

Şu örinda, jahon siyosatçilari orasida ham qanotli jumlalar mualliflari köpligini ta'kidlaş lozim.

Rossiya sobiq prezidenti va sobiq hukumat raisi Dmitriy Medvedev pensionerlarga qarata: “Pul yöq, sizlar esa bardam bölinglar”, degani şov-şuvga aylanib ketgan edi.

Isroilning sobiq boş vaziri Golda Meyr: “Bizda atom bombasi yöq, lekin zarur bölsa, biz atom bombamizdan foydalanamiz”, degani ham “qanotli jumla”ga aylanib ketgan.

Qirğiz yozuvçilar uyuşmasi raisi, jamoat arbobi Abdurahmon Alimbayev töğridan töğri efirda şunday degandi: “Qirğiz qizlari boşqa millatlarga erga tegişyapti, qirğiz yigitlari esa boşqa millat qizlariga uylanişyapti. Bu xuddi urğoçi şerning şoqolga erga tegişiga yoki nar şerning urğoçi şoqolga uylanişiga öxşaydi”.

Abror Zohidov