Isroilning AQShdagi elchixonasi: HAMAS jangarilari 100 dan ortiq isroillikni garovga olgan

Foto: Hatem Ali / AP / Scanpix / LETA

Isroilning AQShdagi elchixonasi HAMAS a’zolari 100 dan ortiq kishini, jumladan tinch aholi vakillari va isroillik harbiylarni o‘g‘irlab ketgani haqida ma’lum qildi.

Elchixonaning ijtimoiy tarmoqdagi sahifasida xabar qilinishicha, HAMASning 7 oktyabr tongidagi hujumidan keyin 300 dan ortiq isroilliklar halok bo‘lib, kamida 1800 kishi yaralangan

Isroil hukumati elchixonaning 100 kishi garovga olingani to‘g‘risidagi xabariga hozircha munosabat bildirmagan.

HAMASning jangovar qanoti 7 oktyabr kuni Isroil mudofaa armiyasining 35 nafar harbiysi va chegaradagi hududga ko‘chib kelgan isroilliklar garovga olingani to‘g‘risida xabar tarqatgandi. Ular G‘azo bo‘lgasi tomon olib ketilgan. Keyinroq bu ma’lumot Isroil mudofaa armiyasi tomonidan tasdiqlandi, ammo aynan qancha odam asir olinganiga aniqlik kiritilmadi.

Tayyorlagan Азиз Қаршиев

#Isroil #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.